జమ్ము కశ్మీర్లో ఎన్కౌంటర్​.. నలుగురు ఉగ్రవాదులు హతం

పాక్ ఆక్రమిత కశ్మీర్ నుంచి ఉగ్రవాదులు భారత్లోకి చొరబడేందుకు నిరంతరం ప్రయత్నాలు చేస్తూనే ఉన్నారు. తాజాగా నలుగురు ఉగ్రవాదులు భారత్లో చొరబడేందుకు యత్నించి.. భద్రతాబలగాల కాల్పుల్లో హతమయ్యారు. జమ్మూ కశ్మీర్ కుప్వారాలోని మచల్​ సెక్టార్లో పోలీసులు, ఆర్మీ అధికారులు జాయింట్ ఆపరేషన్ నిర్వహించారు.

ఈ ఆపరేషన్లో నియంత్రణ రేఖ గుండా పాక్ ఆక్రమిత కశ్మీర్ నుంచి భారత్ లోకి చొరబడేందుకు ప్రయత్నిస్తున్న నలుగురు ఉగ్రవాదులను భద్రతా సిబ్బంది గుర్తించి కాల్పులు జరిపారు. ఈ కాల్పుల్లో నలుగురు ఉగ్రవాదులు హతమైనట్లు కశ్మీర్ జోన్ పోలీసులు తెలిపారు. కాగా, జూన్ 16న కుప్వారా జిల్లాలోని జుమాగుండ్ ప్రాంతంలో భద్రతా బలగాలు జరిపిన ఎదురుకాల్పుల్లో ఐదుగురు పాకిస్థాన్ ఉగ్రవాదులు హతమయ్యారు.