లోకో పైలట్ లేకుండానే 80 కి.మీ.లు ప్రయాణించిన రైలు
లోకో పైలట్ లేకుండానే 80 కి.మీ.లు ప్రయాణించిన రైలు
లోకో పైలట్ లేకుండానే ఓ గూడ్స్ రైలు 80 కి.మీ. ల మేర పట్టాలపై పరుగెత్తింది. జమ్మూలోని కథువాలో ఈ సంఘటన చోటుచేసుకుంది. ఆదివారం ఉదయం 8.47 గంటల సమయంలో కథువా రైల్వే ట్రాక్‌పై.. క్రషర్లతో నిండిన గూడ్స్ రైలు అత్యంత వేగంతో.. పంజాబ్‌లోని హోషియార్‌పూర్ వైపు ప్రయాణం సాగించింది. ఈ ఘటనపై సమాచారం అందిన వెంటనే రైల్వే అధికారులు రైలును ఆపేందుకు ప్రయత్నాలు ప్రారంభించారు. రోడ్డు వాలు కారణంగా రైలు చాలా వేగం పుంజుకోవడంతో చుట్టుపక్కల గందరగోళ వాతావరణం నెలకొంది. కతువా నుంచి రైలు నంబరు 14806 వస్తోందని రైలు నంబర్‌తో పాటు అధికారులు ప్రతిచోటా ప్రకటనలు చేశారు.
A Freight Train was standing at Kathua Station in Jammu.
— Shashank Shekhar Jha (@shashank_ssj) February 25, 2024
Suddenly, it started running WITHOUT the PILOT 😵
Train drove for 80+ kms WITHOUT any DRIVER.
Train was stopped near Ucchi Bassi in Mukerian, Punjab.
Now,@RailMinIndia has initiated an inquiry.pic.twitter.com/AkE13dDnVj
ఎన్నో ప్రయత్నాల తర్వాత కథువా నుండి 80 కిలోమీటర్ల దూరంలో ఉన్న హోషియార్‌పూర్‌లోని దాసుహా వద్ద రైలు ఆగిపోయింది. దసుహా వద్ద రైల్వే ట్రాక్‌పై చెక్క దిమ్మెలను ఉంచి రైలును ఆపడంలో రైల్వే ఉద్యోగులు విజయం సాధించారు. హ్యాండ్‌బ్రేక్ వేయడం మర్చిపోయి ఎక్కడికో వెళ్లిపోయానని, ఆ తర్వాత వాలు కారణంగా రైలు ఆటోమేటిక్‌గా ట్రాక్‌పై కదలడం ప్రారంభించిందని రైలు డ్రైవర్ చెప్పాడు. రైలు కదులుతున్నప్పుడు తాను అక్కడ లేడని చెప్పాడు. అయితే ప్రస్తుతం ఈ ఘటనలో ఎవరికీ ఎలాంటి ప్రమాదం జరగలేదు. అయితే ఈ సంఘటన ఎలా జరిగిందో పరిశోధించడానికి ఫిరోజ్‌పూర్ నుండి రైలు అధికారుల బృందం జమ్మూ చేరుకుంటుంది.
