ఫారిన్ టూర్ ఎంజాయ్ చేస్తున్న పరిణీతి, రాఘవ్ జంట
బాలీవుడ్ న‌టి పరిణీతి చోప్రా.. ఆమ్ ఆద్మీ పార్టీ (AAP) పార్టీ రాజ్యసభ ఎంపీ రాఘవ్ చద్దాలు త్వ‌ర‌లోనే పెళ్లి చేసుకోనున్న సంగ‌తి తెలిసిందే. మే 13 న్యూఢిల్లీలోని కపుర్తలా హౌస్‌లో కుటుంబ స‌భ్యులు, స్నేహితుల స‌మ‌క్షంలో వీరి నిశ్చితార్థం వేడుక ఘ‌నంగా జ‌రిగింది. చాలా కాలంగా ప్రేమ‌లో ఉన్న వీరిద్ద‌రు ఈ ఏడాది చివరిలో పెళ్లితో ఒక్క‌టి కానున్నారు. కాగా.. పెళ్లి తేదీ కోసం అంద‌రూ ఎదురుచూస్తుండ‌గా పరిణీతి, రాఘవ్ లు ప్రస్తుతం లండ‌న్ ప‌ర్య‌ట‌న‌లో ఉన్నారు.
ఈ సందర్భంగా అక్కడ జరుగుతున్న డబ్ల్యూటీసీ ఫైనల్‌ (WTC Final)లో కాబోయే కొత్త జంట మెరిసింది. శుక్రవారం జరిగిన మ్యాచ్‌లో గ్యాలరీ నుంచి మ్యాచ్‌ను వీక్షిస్తూ సందడి చేసింది. ఇందుకు సంబంధించిన ఫొటోలు ప్రస్తుతం వైరల్‌ అవుతున్నాయి. తెల్ల‌టి దుస్తుల‌పై ఆకు ప‌చ్చ రంగు బ్లేజ‌ర్ ధ‌రించి స‌న్‌గ్లాసెస్‌తో పరిణీతి చాలా అందంగా క‌నిపిస్తోంది. ఆమె ప‌క్క‌న నీలిరంగు స్వెట‌ర్‌, న‌లుపు ప్యాంటు, స‌న్‌గ్లాసెస్ పెట్టుకుని రాఘవ్ కూర్చొని ఉన్నారు
ఇదిలా ఉంటే.. పరిణీతి మరియు రాఘవల పెళ్లి ఇరు కుటుంబాల సంప్ర‌దాయాలు, ఆచారాల ప్ర‌కారం జ‌ర‌గ‌నుంది. వీరి నిశ్చితార్థం స‌మ‌యంలో కూడా వీరి ఆచారాలు క‌నిపించాయి. ఇక వివాహం రాజ‌స్థాన్‌లో చేసుకోనున్నార‌నే వార్త‌లు వినిపిస్తున్నాయి. ఉదయపూర్‌లోని ఒబెరాయ్ ఉదయవిలాస్‌లో వీరు పెళ్లి చేసుకునేందుకు ఇష్ట‌ప‌డుతున్న‌ట్లు తెలుస్తోంది. పిచోలా స‌ర‌స్సు ఒడ్డున ఉన్న ఒబెరాయ్ ఉదయవిలాస్.. విలాస‌వంత‌మైన తోట‌ల మ‌ధ్య‌లో ప్ర‌కృతి క‌మ‌నీయంగా ఉంటుంది.
