Rusted Iron Congress : ఆ పార్టీ తుప్పుపట్టిన ఇనుముతో సమానం..మోదీ
ఎన్నికలు దగ్గరపడుతుండటంతో గల్లీ నుంచి ఢిల్లీ వరకు రాజకీయాలు మంచి రసవత్తరంగా సాగుతున్నాయి. బీజేపీకి మళ్లీ అధికారం కట్టబెట్టకండంటూ ఓవైపు కాంగ్రెస్ పెద్ద ఎత్తున ప్రచారం చేస్తుండగా ఇటు బీజేపీ కూడా కాంగ్రెస్కు వ్యతిరేకంగా విమర్శలు చేస్తోంది. తాజాగా ప్రధాని మోదీ కాంగ్రెస్ పార్టీపై తీవ్రస్థాయిలో విరుచుకుపడ్డారు. మధ్యప్రదేశ్లోని భోపాల్‌లో జరిగిన కార్యకర్త మహాకుంభ్ కార్యక్రమంలో పాల్గొన్న మోదీ కాంగ్రెస్ను తుప్పుపట్టిన ఇనుముతో పోల్చి తీవ్ర విమర్శలు చేశారు.
కార్యక్రమంలో మోదీ మాట్లాడుతూ..." మధ్యప్రదేశ్ ప్రజలు బీజేపీకి మద్దతుగా ఉన్నారు. పార్టీ సిద్ధాంతాలకే కాకుండా అభివృద్ధికి ఈ ప్రాంతం కేంద్రబిందువుగా ఉంది. 20 ఏళ్లుగా బీజేపీ మధ్యప్రదేశ్లో అధికారంలో ఉంది. కొత్తగా ఓటు వేసే యువకులు అదృష్టవశాత్తు కాంగ్రెస్ పాలనను చూడలేదు. కాంగ్రెస్ పార్టీ ఈ రాష్ట్రాన్ని బీమార్ రాష్ట్రంగా మారిస్తే.. దానిని సరిచేసేందుకు బీజేపీ ప్రయత్నిస్తోంది. వారసత్వ పాలిటిక్స్, కోట్లాది రూపాయల కుంభకోణాలు చేయడం తప్ప కాంగ్రెస్ పార్టీకి జాతీయ ప్రయోజనాలను అర్థం చేసుకునేంత సామర్థ్యం లేదు. అందుకే ఈసారి జరగబోయే ఎన్నికలు ఎంతో కీలకం. కాంగ్రెస్ను అధికారంలోకి తీసుకువస్తే మధ్యప్రదేశ్‌కు తీరని నష్టం జరుగుతుంది. బీజేపీ ఒక హామీ ఇస్తే తప్పక దానిని నెరవేర్చుతుంది. మహిళా బిల్లు ఆమోదం పొందడం ఓ హిస్టరీ. మహిళలు చైతన్యవంతులుగా మారడమే అందుకు కారణం’ అని మోదీ తెలిపారు.
