స్టూడెంట్ స్కూటర్పై రాహుల్ గాంధీ షికారు
రాజస్థాన్లోని జైపూర్ పర్యటనలో ఉన్న కాంగ్రెస్ నేత రాహుల్ గాంధీ.. మహారాణి మహిళా కళాశాలను సందర్శించారు. విద్యార్థినులతో ఇంటరాక్ట్ అయ్యారు. తర్వాత కళాశాల బయట విద్యార్థినులతో కలిసి స్కూటీపై చక్కర్లు కొట్టారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతుంది. స్కూటీపై ప్రయాణించిన స్టూడెంట్ ను ట్యాగ్ చేసి ‘మిమాన్ష లాంటి మహిళలకు సాధికారత కల్పించడం వల్ల మన దేశ ఉజ్వల భవిష్యత్తు రూపుదిద్దుకుంటుంది. వాళ్లు మన దేశాన్ని నడిపించగలుగుతారు’ అని అన్నారు. కళాశాలలో విద్యార్థినులతో మాట్లాడిన తర్వాత.. కొంతమందికి స్కూటీలు పంపిణీ చేశారు.
ఆ తర్వాత కాంగ్రెస్ చీఫ్ మల్లికార్జున్ ఖర్గేతో కలిసి ప్రదేశ్ కాంగ్రెస్ కమిటీ నూతన భవనానికి శంకుస్థాపన చేశారు. శంకుస్థాపన అనంతరం నిర్వహించిన కార్యక్రమంలో మాట్లాడిన రాహుల్.. రాబోయే ఎన్నికల కోసం కార్యకర్తలకు దిశా నిర్దేశం చేశారు. లోక్‌సభ, రాష్ట్ర అసెంబ్లీ ఎన్నికల్లో మహిళలకు రిజర్వేషన్లు వెంటనే అమలు చేయాలని డిమాండ్‌ చేశారు. కుల గణన అంశాన్ని పార్లమెంట్‌లో లేవనెత్తిన వెంటనే బీజేపీ ఎంపీలు తన గొంతు అణిచివేసేందుకు ప్రయత్నించారని ఆరోపించారు రాహుల్.
#WATCH | Rajasthan: Congress MP Rahul Gandhi distributed two-wheelers to meritorious girl students at Maharani College and rides pillion on a girl's scooter in Jaipur pic.twitter.com/nsQ17rT1u3
— ANI (@ANI) September 23, 2023
