Rajya Sabha:బీఆర్ఎస్ ఎంపీలకు షాక్.. నోటీసులు జారీ చేసిన రాజ్యసభ ఆఫీస్

బీఆర్ఎస్ ఎంపీలకు రాజ్యసభ చైర్మన్ షాకిచ్చారు. బీఆర్ఎస్ రాజ్యసభ సభ్యులకు చైర్మన్ ప్రివిలేజ్ నోటీసులు జారీ చేశారు. నిబంధనలకు విరుద్ధంగా వ్యవహరించారనే ఫిర్యాదు మేరకు చైర్మన్ కార్యాలయం ఈ నోటీసులు జారీ చేసింది. సెప్టెంబర్‌లో జరిగిన ప్రత్యేక పార్లమెంటు సమావేశాల్లో బీఆర్ఎస్ ఎంపీలు హౌస్‌లో ప్లకార్డులు ప్రదర్శించడంపై బీజేపీ ఎంపీ వివేక్ ఠాకూర్ చైర్మన్ జగదీప్ ధన్‌కర్‌కు ఫిర్యాదు చేశారు. ఈ ఫిర్యాదుపై స్పందించిన చైర్మన్.. దీనిపై విచారణ జరపాలని ప్రివిలేజ్ కమిటీకి సిఫారసు చేశారు. దీనిపై విచారణ చేపట్టిన ప్రివిలేజ్ కమిటీ.. బీఆర్ఎస్ ఎంపీలు కే.కేశవరావు, సురేష్‌రెడ్డి, వద్దిరాజు రవిచంద్ర, లింగయ్య యాదవ్‌, దామోదర్‌ రావుకు నోటీసులు జారీ చేసింది. ఈ నెల 28లోపు సమాధానం చెప్పాలని ఆ నోటీసుల్లో ఆదేశించింది.