Valentine's Day 2024 : 30 ఏళ్ల తర్వాత ప్రవేశిస్తున్న శని.. వారికి సమస్యలు తప్పవు
(Valentine's Day 2024) గ్రహాలన్నింటిలో శనిని న్యాయ దేవుడని అంటారు. అన్ని గ్రహాల్లోకంటే శని కాస్త నెమ్మదిగా కదులుతుంది. అయితే వేద జ్యోతిషశాస్త్రం ప్రకారంగా శని గ్రహాన్ని అపవిత్ర గ్రహంగా భావిస్తారు. ఒకరి జాతకంలో శని బాగా ఉంటే వారిని రాజుగా చూడొచ్చు. అదే చెడ్డ స్థితిలో ఉంటే జీవితంలో ఆ రాశుల వారు సమస్యలు ఎదుర్కోక తప్పదు. ప్రస్తుతం శని కుంభరాశిలో ఉన్నాడు. దాదాపు 30 ఏళ్ల తర్వాత తన రాశిలోనే శని సంచరిస్తున్నాడు. 2025 వరకూ ఆ రాశిలోనే కొనసాగనున్నాడు. అయితే ఈ రోజు కొన్ని రాశుల వారు జాగ్రత్తగా ఉండాలి. ఆ రాశులేంటో ఒకసారి తెలుసుకుందాం.
ధనుస్సు రాశి
ఈ రాశి 3వ ఇంట్లో శని అస్తమించడం వల్ల ధనుస్సు రాశి వారికి కొన్ని సమస్యలు పెరిగే అవకాశం ఉంది. ఆత్మవిశ్వాసం కూడా తగ్గుతుంది. ప్రతి పనికి అడ్డంకులు వస్తుంటాయి. ప్రయాణాలలో జాగ్రత్త ఉండటం మంచిది. ఏ పని చేసినా సంతృప్తిగా ఉండలేరు. ఓ వైపు ఆర్థిక సమస్యలు, మరోవైపు కుటుంబ సమస్యలు వేధిస్తాయి. ప్రేమికుల రోజు ఈ రాశుల వారు మౌనంగా ఉండటం మంచిది.
తులా రాశి
ఈ రాశి 5వ ఇంట్లో శని అస్తమించడం వల్ల తులారాశి వారికి ఇబ్బందులు ఉంటాయి. పిల్లల నుంచి సమస్యలు ఎదురవుతాయి. ఆరోగ్య సమస్యలు వస్తాయి. వృత్తిపరంగా నిరాశ ఎదురవుతుంది. ఉద్యోగస్తులు తమ ఉద్యోగాలను కోల్పోయే అవకాశం ఉంది. వ్యాపారాల్లో నష్టాలు వస్తాయి. ప్రశాంతంగా ఉండేందుకు ప్రయత్నించండి. ప్రేమికుల రోజు వీరు బ్యాడ్‌న్యూస్ వినాల్సి వస్తుంది.
కన్యా రాశి
కన్యారాశికి 6వ ఇంట్లో శని అస్తమించడం వల్ల వారు కాస్త జాగ్రత్తగా ఉండాలి. వ్యాపార, పరిశ్రమలలో ఇబ్బందులు తలెత్తుతాయి. విజయం కాస్త ఆలస్యం అవుతుంది. ఆర్థికంగా ఇబ్బందులు ఉంటాయి. కుటుంబంలో చిన్నపాటి గొడవలు జరిగే అవకాశం ఉంది. దూర ప్రయాణాలు చేయాల్సి వస్తుంది. వ్యాపారాల్లో నష్టాలు వచ్చినప్పటికీ భరిస్తారు. ఆలయాలను సందర్శిస్తారు. ఈ రాశి వారు ప్రేమించిన వారికి కాస్త దూరంగానే ఉండటం మంచిది.
