దాల్ సరస్సులో అగ్ని ప్రమాదం.. కాలి బూడిదైన హౌస్ బోట్లు
జమ్మూ కాశ్మీర్లోని శ్రీనగర్లో ఘోరం జరిగింది. ప్రముఖ పర్యాటక ప్రాంతమైన దాల్ సరస్సులో అగ్ని ప్రమాదం జరిగింది. సరస్సులో ఉన్న హౌస్ బోట్లకు ఉదయం నిప్పు అంటుకోవడంతో అవన్నీ కాలి బూడిదయ్యాయి. మంటలు వ్యాపించి భారీగా ఎగిసిపడుతున్న దృశ్యాలు సోషల్ మీడియాలో కనిపిస్తున్నారు.
#WATCH | Several houseboats were gutted in a fire in Srinagar's Dal Lake last night pic.twitter.com/uDtuOQO9yw
— ANI (@ANI) November 11, 2023
దాల్ స‌ర‌స్సులోని 9వ నెంబ‌ర్ ఘాట్ వ‌ద్ద ఓ హౌస్ బోట్‌లో అగ్నిప్ర‌మాదం జరిగింది. క్ష‌ణాల వ్యవధిలోనే మంటలు వ్యాపించాయి. దీంతో స‌మీపంలో ఉన్న బోట్ల‌న్నీ ఆ మంట‌ల్లో కాలి బూడిదయ్యాయి. 8 హౌస్ బోట్లు పూర్తిగా దగ్ధం కాగా, మరికొన్ని బోట్లకు కూడా న‌ష్టం జరిగింది. టూరిస్టులందరికీ రక్షించామని, ప్ర‌మాదంలో ఎలాంటి ప్రాణనష్టం జరగలేదని అధికారులు ప్రకటించారు. అగ్ని ప్రమాదానికి కారణాలు ఇంకా తెలియలేదు. ఘటనకు సంబంధించి కేసు నమోదుచేసిన పోలీసులు దర్యాప్తు ప్రారంభించారు.
#WATCH | Srinagar, J&K: On fire in houseboats at Dal Lake, Station House Officer Fire Service Farooq Ahmad says, "The fire emerged at around 5:15 in the morning and as soon as I received the call we came here. Some 5-8 houseboats and huts were gutted in the fire. We can't… pic.twitter.com/rEQ0cSCDw7
— ANI (@ANI) November 11, 2023
