చికెన్ ఫ్రీగా ఇవ్వలేదని.. దళిత వ్యక్తిపై దాడి
చికెన్ ఐటమ్ ఏదైనా లొట్టలేసుకుని తినేవాళ్లు చాలామందే ఉంటారు. ఇక స్పెషల్ అకేషన్స్ లో అయితే.. చికెన్ లేనిదే నోట్లోకి ముద్ద దిగదు. రేటెంతైనా పరవాలేదంటూ చికెన్ వండుకుని తింటుంటారు. అయితే, ఫ్రీగా చికెన్ ఇవ్వలేదంటూ ఓ దళిత వ్యక్తిపై దాడి చేశారు. దీనికి సంబంధించిన వీడియో సోషల్ మీడియాలో వైరల్ అవుతోంది. ఈ అమానవీయ ఘటన ఉత్తర్ ప్రదేశ్ లో జరిగింది. సుజన్ అహిర్ వార్ అనే వ్యక్తి బైక్ పై ఊరూరా తిరుగుతూ చికెన్ అమ్ముతుంటాడు. ఈ క్రమంలో ఒక ఊరు నుంచి మరో ఊరుకు వెళ్తుండగా.. మార్గ మధ్యలో కొందరు సుజన్ ను అడ్డుకుని.. చికెన్ ఇవ్వమని అడిగారు. దానికి సుజన్ డబ్బులిస్తేనే చికెన్ ఇస్తాను అనగా.. కొనడానికి వచ్చిన వ్యక్తులు చెప్పులతో సుజన్ ను చితకబాదారు.
ఈ ఘటనను వీడియో తీసిన స్థానిక వ్యక్తి సోషల్ మీడియాలో పోస్ట్ చేశాడు. ఈ ఘటనపై కేసు నమోదు చేసిన పోలీసులు.. నిందితులను పట్టుకునేందుకు రంగంలోకి దిగారు. కాగా, ఈ ఘటనపై దళిత సంఘాలు ఆగ్రహం వ్యక్తం చేస్తున్నాయి. పొట్టకూటి కోసం పనిచేస్తే దళిత వ్యక్తిపై దాడిచేయడం సరికాదని మండిపడుతున్నారు. నిందితులను పట్టుకుని కఠినంగా శిక్షించాలని డిమాండ్ చేస్తున్నారు.
ललितपुर में फ्री में मुर्गा नही देने पर जमकर जूतों चप्पल से पीटा, मुर्गा बेचकर परिवार का पालन पोषण करता है पीड़ित
— Lokesh Rai (@lokeshRlive) August 12, 2023
#Lalitpur pic.twitter.com/ItNnTWSsLm
