కీలక పోరుకు సిద్ధమైన భారత్..టైటిల్ పైనే గురి
భారత్-వెస్టిండీస్ జట్లు నేడు కీలక పోరుకు సిద్ధమయ్యాయి. ఐదు టీ20 సిరీస్ లో చెరో రెండేసి మ్యాచ్‌లు గెలిచిన ఇరు జట్లు టైటిల్ పోరులో నేడు తలపడనున్నాయి. ఫ్లోరిడా వేదికగా నేడు 8 గంటలకు మ్యాచ్ ప్రారంభం కానుంది. మొదటి రెండు మ్యాచ్‌ల్లో ఓటమి చవిచూసి..అనంతరం అనూహ్యంగా పుంజుకున్న భారత్ సిరీస్ కైవసం చేసుకోవాలని భావిస్తోంది. ఓపెనర్లు జైశ్వాల్, శుభమన్ గిల్ నిన్నటి మ్యాచ్ ద్వారా ఫామ్‌లోకి రావడంతో భారత్ పటిష్టంగా కనిపిస్తోంది. ఇదే ఫామ్‌ను చివరి మ్యాచ్లో కంటిన్యూ చేస్తే భారత్ కు విజయం దక్కడం కష్టమేమీ కాదు. జైశ్వాల్, గిల్, తిలక్ వర్మ, సూర్యకుమార్‌తో తో పాటు సంజూ శాంసన్, హార్దిక్ పాండ్యా లాంటి ఇతర ఆటగాళ్లు రాణిస్తే భారత్‌కు తిరుగుండకపోవచ్చు.
భారత్ బౌలర్లు కూడా అంచనాలు అందుకోవాలి. భారీ హిట్టర్స్ ఉన్న విండీస్‌ను కట్టడి చేయాలంటే భారత్ బౌలర్లు పక్కా ప్రణాళికతో రాణించాల్సి ఉంది. గత మ్యాచ్ ల్లో అక్షర్, అర్షదీప్ వికెట్లు తీసినా భారీగా పరుగులు సమర్పించుకున్నారు. చాహల్, ముకేష్ కుమార్ లు సత్తా చాటాల్సి ఉంది. కుల్దీప్ యాదవ్ మాత్రం పర్వాలేదనిపిస్తున్నాడు. పొట్టి ఫార్మెట్‌లో విండీస్ జట్టును తక్కువ అంచనా వేయకూడదు. ఆ జట్టులో ఒంటి చేత్తో మ్యాచ్‌ను మార్చే బ్యాటర్లు ఉన్నారు.
భారత జట్టు: యశస్వి జైస్వాల్, శుభమన్ గిల్, సూర్యకుమార్ యాదవ్, తిలక్ వర్మ, హార్దిక్ పాండ్యా(సి), సంజూ శాంసన్(w), అక్షర్ పటేల్, కుల్దీప్ యాదవ్, అర్ష్‌దీప్ సింగ్, యుజ్వేంద్ర చాహల్, ముఖేష్ కుమార్.
వెస్టిండీస్ జట్టు: బ్రాండన్ కింగ్, కైల్ మేయర్స్, షాయ్ హోప్, నికోలస్ పూరన్(w), రోవ్‌మన్ పావెల్(c), షిమ్రాన్ హెట్మెయర్, జాసన్ హోల్డర్, రొమారియో షెపర్డ్, ఓడియన్ స్మిత్, అకేల్ హోసేన్, ఒబెడ్ మెక్‌కాయ్
