విషాదాన్ని నింపిన విహార యాత్ర..సముద్రంలో పడి నవ దంపతుల మృతి

హనీమూన్‌ ట్రిప్ కోసం ఇండోనేషియా వెళ్లిన నవ దంపతులు ప్రమాదవశాత్తు అక్కడి సముద్రంలో పడి మరణించారు. తమిళనాడులోని తిరువళ్ళూరు జిల్లా పూనమల్లి సమీపంలోనసెన్నీర్‌కుప్పానికి చెందిన డాక్టర్ విభూషిణియాకు చెన్నైకి చెందిన డాక్టర్ లోకేశ్వరన్‌తో ఈ మధ్యనే పెళ్లైంది. ఇండోనేషియాలో హనీమూన్ ప్లాన్ చేశారు. జూన్ 9న అక్కడి అందమైన ప్రాంతాలను చుట్టేసి సముద్రంలో బోటు షికారు చేశారు. మార్గమధ్యలో హటాత్తుగా బోటు సముద్రంలో బోల్తాపడింది. దీంతో ఇద్దరూ సముద్రంలో పడిపోయి చనిపోయారు. ఆ రోజే లోకేష్వరన్ డెడ్ బాడీని పోలీసులు బయటకు తీశారు. తాజాగా శనివారం విభూషిణియా మృతదేహం లభించింది. ఈ రెండు మృతదేహాలను చెన్నై తీసుకువచ్చేందుకు రాష్ట్ర సర్కార్ ఏర్పాట్లు చేస్తోంది. నూతన వధూవరులు విగత జీవులుగా మారడంతో వారి కుటుంబాలు శోకసంద్రంలో మునిగిపోయాయి.