తొక్కలో కెప్టెన్సీ , ఇదేమన్నా IPL అనుకున్నావా.. రోహిత్ శర్మపై శ్రీరెడ్డి ఫైర్!!

ఇప్పటి వరకూ సినీ ప్రముఖులపై, రాజకీయ నాయకులపై సోషల్ మీడియా వేదికగా విచ్చలవిడి విమర్శలు చేసిన ప్రముఖ నటి శ్రీరెడ్డి చూపు.. ఇప్పుడు క్రికెట్ మీద కూడా పడింది. టీమ్ ఇండియా కెప్టెన్ రోహిత్ శర్మను టార్గెట్ చేస్తూ ... తనదైన శైలిలో ట్వీట్ చేసింది.

లండన్‌లోని కెన్నింగ్టన్ ఓవల్ వేదికగా జరుగుతున్న ప్రపంచ టెస్టు ఛాంపియన్‌షిప్‌ ఫైనల్లో తొలిరోజు భారత్‌పై ఆస్ట్రేలియా పైచేయి సాధించింది. టాస్ గెలిచిన బౌలింగ్ ఎంచుకున్న రోహిత్ సేన.. మ్యాచ్ ఆరంభంలో అదరగొట్టారు. కానీ, మూడో వికెట్ తరవాత ఆట స్వరూపం మారిపోయింది. మొత్తానికి తొలిరోజు ఆట ముగిసే సమయానికి ఆస్ట్రేలియా మూడు వికెట్ల నష్టానికి 327 పరుగులు చేసి పటిష్టంగా నిలబడింది. దీంతో రోహిత్ శర్మ కెప్టెన్సీపై శ్రీరెడ్డి విమర్శలు చేయడం షాకింగ్ గా మారింది.

విరాట్ కోహ్లీపై ప్రశంసలు కురిపిస్తూ రోహిత్‌ను తక్కువ చేసి మాట్లాడింది. ‘తొక్కలో కెప్టెన్సీ. ఇదేమన్నా ఐపీఎల్ అనుకున్నవావా బాబూ. నీ కెప్టెన్సీ చూసి కోహ్లి నవ్వుకుంటున్నాడు.. ఇదేంట్రా బాబూ అని. రోజలంతా ఫీల్డింగ్ చేస్తూ బౌలింగ్ చెయ్యాలంటే ప్లేయర్స్‌లో జోష్ కావాలి. అది కోహ్లి ఒక్కడే చెయ్యగలడు. ప్లేయర్స్‌ను అతడు ఇన్‌స్పైర్ చేస్తాడు. ప్రపంచంలోనే అతడు ఉత్తమ టెస్ట్ కెప్టెన్’ అని శ్రీరెడ్డి తన ట్వీట్‌లో పేర్కొంది.

అయితే ట్విస్ట్ ఏంటంటే నిజానికి శ్రీరెడ్డికి ట్విట్టర్ అకౌంటే లేదట. ఇది ఆమె ఒరిజినల్ ట్విట్టర్ అకౌంట్ కాదంటున్నారు కొందరు. మరోవైపు ఈ అకౌంట్ తనది కాదని కూడా శ్రీరెడ్డి ఎప్పుడూ బహిరంగంగా చెప్పలేదు. అందుకే, చాలా మంది ఇది శ్రీరెడ్డి అకౌంటేనని ఫాలో అవుతున్నారు. ఆమె చేస్తున్న ట్వీట్లేనని స్పందిస్తున్నారు. మరి రోహిత్ శర్మ మీద చేసిన ఈ ట్వీట్ ఎవరు చేశారనేది తెలియాల్సి ఉంది.