IND vs ENG : అశ్విన్ అరుదైన ఫీట్.. 45 ఏళ్ల రికార్డు బద్దలు
టీమ్ ఇండియా(team india) వెటరన్ స్పిన్నర్ రవిచంద్రన్ అశ్విన్(aswin) చరిత్ర సృష్టించాడు. టెస్టుల్లో ఇంగ్లాండ్ పై అత్యధిక వికెట్లు పడగొట్టిన టీమిండియా బౌలర్ గా అశ్విన్ రికార్డులకెక్కాడు. వైజాగ్ వేదికగా ఇంగ్లండ్‌తో జరుగుతున్నటెస్టులో భారత్ స్టార్ బౌలర్ ఈ అరుదైన ఘనత సాధించాడు.
నాలుగో రోజు ఆటలో భాగంగా ఇంగ్లండ్‌ వైస్‌ కెప్టెన్‌ ఓలీ పోప్‌ను ఔట్‌ చేసిన అశ్విన్.. ఈ అరుదైన ఫీట్‌ను తన పేరిట రాసుకున్నాడు. ఇప్పటివరకు ఇంగ్లండ్‌పై 96 వికెట్లు అశ్విన్ పడగొట్టాడు. కాగా అంతకముందు ఈ రికార్డు భారత మాజీ లెగ్‌ స్పిన్నర్ భగవత్ చంద్రశేఖర్ పేరిట ఉండేది. 1964-79 కాలంలో అతడు ఇంగ్లండ్‌పై టెస్టుల్లో 95 వికెట్లు పడగొట్టాడు. అయితే తాజా మ్యాచ్‌తో 45 ఏళ్ల చంద్రశేఖర్ ఆల్‌టైమ్‌ రికార్డును రవిచంద్రన్ బ్రేక్‌ చేశాడు.
ఈ జాబితాలో అశ్విన్ తర్వాతి స్ధానాల్లో చంద్రశేఖర్ (95), అనిల్ కుంబ్లే (92), బిషన్ సింగ్ బేడీ (85), కపిల్ దేవ్ (85), ఇషాంత్ శర్మ (67) ఉన్నారు. అంతేగాక ఈ మ్యాచ్‌లో అశ్విన్ మరో వికెట్‌ పడగొడితే టెస్టుక్రికెట్‌లో 500 వికెట్లు సాధించిన క్లబ్‌లో చేరుతాడు.
