SA vs AUS : పోరాడి ఓడిన సఫారీలు.. 8వసారి ఫైనల్కు ఆసీస్..
వరల్డ్ కప్లో ఆస్ట్రేలియా ఫైనల్కు చేరింది. ఫైనల్ మ్యాచ్ లో భారత్తో తలపడేందుకు సిద్ధమైంది. కోల్కతాలోని ఈడెన్ గార్డెన్స్ వేదికగా జరిగిన రెండో సెమీస్లో సఫారీలను ఓడించి ఫైనల్ బెర్తు ఖరారు చేసుకుంది. సఫారీలు ఓ మోస్తరు టార్గెట్ ఇచ్చినా కట్టుదిట్టమైన బౌలింగ్ చేయడంతో తొలుత దూకుడుగా ఆడిన ఆసీస్.. క్రమంగా వికెట్లు కోల్పోయింది. దీంతో మ్యాచ్ ఉత్కంఠభరితంగా మారింది.
The #CWC23 Finalists are confirmed 🙌🏻
— BCCI (@BCCI) November 16, 2023
India 🆚 Australia
🏟️ Narendra Modi Stadium, Ahmedabad 👌🏻#TeamIndia | #MenInBlue pic.twitter.com/QNFhLjbJZV
213 పరుగుల ఛేదనలో ఆసీస్ ఓపెనర్లు ట్రావిస్ హెడ్(62; 48 బంతుల్లో 9 ఫోర్లు, 2 సిక్సర్లు), డేవిడ్ వార్నర్(29; 18 బంతుల్లో ఒక ఫోర్, 4 సిక్సర్ల)తో హోరెత్తించారు. టీ 20ని తలపించేలా మైదానం నలువైపులా బౌండరీలు బాదుతూ పరుగుల వరద పారించారు. వీరిద్దరి ధాటికి ఆసీస్ తొలి 6 ఓవర్లలోనే 60 పరుగులు చేసింది. అయితే ధాటిగా ఆడే ప్రయత్నంలో వార్నర్.. మార్క్ రమ్ బౌలింగ్‌లో బౌల్డ్ అవ్వగా, తర్వాతి ఓవర్‌లోనే మిచెల్ మార్ష్(0) డకౌట్‌గా వెనుదిరిగాడు. అనంతరం హెడ్.. గెరాల్డ్ కోయెట్జీ వేసిన 12వ ఓవర్లో వరుసగా హ్యాట్రిక్ ఫోర్లు బాది.. హాఫ్ సెంచరీ పూర్తి చేసుకున్నాడు. ట్రావిస్ హెడ్ ఔటయ్యాక ఆసీస్ వరుస వికెట్లు కోల్పోయినా.. టార్గెట్ చిన్నది కావడంతో సఫారీ జట్టును ఇంటికి పంపారు. ఆఖరిలో మిచెల్ స్టార్క్(16 ), కమ్మిన్స్(14) నాటౌట్ గా నిలిచి జట్టును విజయతీరాలకు చేర్చాడు. స్టీవ్ స్మిత్(30), మార్నస్ లాబుచానే(18) రన్స్ చేశారు.
And then there were two 🇮🇳 🇦🇺
— ICC (@ICC) November 16, 2023
Presenting the #CWC23 finalists 🤩 pic.twitter.com/vv0L57egeY
అంతకు ముందు బ్యాటింగ్ కు దిగిన సఫారీ టీం 49.4 ఓవర్లలో 212 పరుగులకు ఆలౌట్ అయింది. టాస్‌ గెలిచి బ్యాటింగ్ ఎంచుకున్న జట్టు ఆదిలోనే తడబడింది. వెనువెంటనే వికెట్లు కోల్పోయింది. దక్షిణాఫ్రికా మిడిలార్డర్ బ్యాటర్‌ డేవిడ్ మిల్లర్‌ 116 బంతుల్లో 8 ఫోర్లు, 5 సిక్సర్లతో సెంచరీ చేశాడు. 101 పరుగులు చేసి జట్టును ఆదుకున్నాడు. హెన్రిచ్‌ క్లాసెన్‌ 48 బంతుల్లో 4 ఫోర్లు, 2 సిక్సర్లతో 47 రన్స్ చేశాడు. ఆసీస్ పేస్‌ ధ్వయం మిచెల్ స్టార్క్, జోష్‌ హెజిల్‌వుడ్‌లు ఆరంభం నుంచే సఫారీలకు చుక్కలు చూపించారు. కెప్టెన్‌ టెంబా బవుమా (3) తొలి ఓవర్‌లోనే ఔట్‌ కాగా.. హెజిల్‌వుడ్‌ వేసిన ఆరో ఓవర్లో క్వింటన్‌ డికాక్‌ (3 ) కమిన్స్‌ చేతికి చిక్కాడు. 31 బాల్స్‌ ఆడి 6 రన్స్ చేసిన డసెన్‌ను హెజిల్‌వుడ్‌, 10 పరుగులు చేసిన మార్క్‌రమ్‌ను స్టార్క్ పెవిలియన్‌ బాటపట్టించారు. 24 పరుగులకే 4 వికెట్లు కోల్పోయిన సఫారీ టీంను క్లాసెన్‌-మిల్లర్‌ జోడీ ఆదుకుంది. ఐదో వికెట్‌కు ఇద్దరూ 95 పరుగులు జోడించారు. 19 ఓవర్ల పాటు వికెట్ల పతనాన్ని ఆపిన ఈ జోడీని ఆసీస్ పార్ట్‌టైమ్‌ స్పిన్నర్‌ ట్రావిస్ హెడ్ విడదీశాడు. ఒకే ఓవర్లో క్లాసెన్‌తో పాటు మార్కో జాన్సెన్‌ ను ఔట్‌ చేశాడు. ఆ తర్వాత క్రీజులోకి వచ్చిన గెరాల్డ్ కొయెట్జ్‌ (39 బంతుల్లో 19, 2 ఫోర్లు) తో కలిసి ఏడో వికెట్‌కు 76 బంతుల్లో 53 పరుగులు జోడించాడు. 115 బంతుల్లో మిల్లర్‌ సెంచరీ పూర్తికాగా.. ఆ తర్వాతి బాల్కు కమిన్స్‌ బౌలింగ్‌లో క్యాచ్‌ ఇచ్చాడు. ఆసీస్ బౌలర్లలో స్టార్క్‌కు మూడు వికెట్లు దక్కగా హెజిల్‌వుడ్‌, కమిన్స్‌, హెడ్‌లు రెండు వికెట్ల చొప్పున తీశారు. హెజిల్‌వుడ్‌.. 8 ఓవర్లు వేసి 12 పరుగులే ఇచ్చి 2 వికెట్లు తీశాడు.
