ఐపీఎల్ హీరోలతో.. ఐర్లాండ్కు బుమ్రా సేన
టీమిండియా రెస్ట్ లెస్ క్రికెట్ ఆడుతోంది. సుదీర్ఘ వెస్టిండీస్ ముగిసిన వెంటనే ఐర్లాండ్ కు బయలుదేరింది. బుమ్రా సారథ్యంలో ఐపీఎల్ హీరోలతో కూడిన జట్టు మంగళవారం (ఆగస్ట్ 15) ఐర్లాండ్ పయనమయింది. టీమిండియా క్రికెటర్లకోసం బీసీసీఐ ప్రత్యేక విమానాన్ని ఏర్పాటు చేసింది. అందులో కుర్రాళ్లు దిగిన ఫొటోలను బీసీసీఐ తన అధికారిక ట్విట్టర్ అకౌంట్ లో పోస్ట్ చేసింది. ఈ సిరీస్ లో రింకూ సింగ్ అరంగేట్రం చేస్తున్నాడు. వాషింగ్ టన్ సుందర్ పునరాగమనం కానున్నాడు. గాయం కారణంగా జట్టుకు దూరం అయిన ప్రసిద్ధ్ కృష్ణ, జస్ప్రిత్ బుమ్రా పునరాగమనం చేస్తున్నారు. రానున్న రోజుల్లో ఆసియా కప్, వరల్డ్ కప్ ఉన్న క్రమంలో ఈ సిరీస్ కుర్రాళ్లకు కీలకం కానుంది. ఇందులో రాణించిన వాళ్లను తదుపరి సిరీస్ లకు ఎంపిక చేస్తారు.
భార‌త జట్టు: జ‌స్‌ప్రీత్ బుమ్రా(కెప్టెన్), రుతురాజ్ గైక్వాడ్, ప్ర‌సిధ్ కృష్ణ, రింకూ సింగ్, వాషింగ్ట‌న్ సుందర్, య‌శ‌స్వీ జైస్వాల్, తిల‌క్ వ‌ర్మ, జితేశ్ శ‌ర్మ, శివం దూబే, ష‌హ‌బాజ్ అహ్మ‌ద్, సంజూ శాంస‌న్, రవి బిష్ణోయ్, అర్ష్‌దీప్ సింగ్, ముకేశ్ కుమార్, అవేశ్ ఖాన్.
Ireland 🇮🇪, here we come ✈️ #TeamIndia | #IREvIND pic.twitter.com/A4P66WZJzP
— BCCI (@BCCI) August 15, 2023
