వరల్డ్కప్ హంగామా .. హోటల్స్ అయిపోయినై.. ఇక వీటిపై పడ్డరు

దేశంలో వరల్డ్ కప్ హంగామా అప్పుడే మొదలయింది. 12 ఏళ్ల తర్వాత సొంత గడ్డపై జరుగుతున్నందున.. క్రికెట్ ఫ్యాన్స్ హైవోల్టేజ్ లో ఉన్నారు. ఈ క్రమంలో అక్టోబర్ 15న జరిగే భారత్-పాకిస్తాన్ మ్యాచ్ కోసం ప్రపంచ వ్యాప్తంగా క్రికెట్ ఫ్యాన్స్ ఆతృతగా ఎదురుచూస్తున్నారు. టోర్నీ మొదలవడానికి ఇంకా 3 నెలల టైం ఉండగా.. అహ్మదాబాద్ లో జరిగే దయాదుల పోరుకు ఇప్పటి నుంచే హోటల్స్ అన్నీ బుక్ చేసుకుంటున్నారు. ఈ నేపథ్యంలో అహ్మదాబాద్ హోటల్ రేట్లు ఆకాశాన్ని అంటాయి. అడ్వాన్స్ బుకింగ్ పేరుతో.. హోటల్స్ లో రూమ్స్ అన్నీ దాదాపు ఫుల్ అయిపోయాయి.

ఈ క్రమంలో అభిమానులు వాళ్ల బుర్రలకు పనిచెప్తున్నారు. వినూత్నంగా ఆలోచించి భారత్-పాక్ మ్యాచ్ కోసం ఫ్యాన్స్ హాస్పిటల్ బెడ్స్ బుక్ చేసుకుంటున్నారు. స్టేడియానికి దగ్గర్లో ఉన్న హాస్పిటల్స్ లకు డిమాండ్ పెరిగింది. ఒక్క రోజు కోసం బెడ్స్ సమకూర్చాల్సిందిగా హాస్పిటల్ యాజమాన్యాన్ని కోరుతున్నారట. అవసరం అయితే.. రికమండేషన్స్ పెట్టడానికి కూడా సిద్ధంగా ఉన్నారని టాక్.