ఇండియా - ఇంగ్లండ్ వార్మప్ మ్యాచ్ రద్దు..

ఇండియాలో అక్టోబర్ 5 నుంచి వరల్డ్ కప్ జరగనుంది. ఇందులో భాగంగా అన్ని జట్లు వార్మప్ మ్యాచులు ఆడుతున్నారు. ఇవాళ గువహటి స్టేడియంలో ఇండియా - ఇంగ్లాండ్ మధ్య వార్మప్ మ్యాచ్ జరగాల్సి ఉంది. మధ్యాహ్నం ప్రారంభం కావాల్సిన ఈ మ్యాచ్కు వర్షం ఆటంకం కలిగించింది. అంతకుముందు భారత్ టాస్ గెలిచి బ్యాటింగ్ ఎంచుకుంది. వర్షం పడడంతో మ్యాచును నిలిపేశారు. వర్షం ఎంతకూ తగ్గకపోవడంతో రద్దు చేస్తున్నట్లు అంపైర్లు ప్రకటించారు. దీంతో ఇండియా మొదటి వార్మప్ మ్యాచ్ వర్షార్పణం అయ్యింది.

భారత్ రెండో వార్మప్ మ్యాచును అక్టోబర్ 3న నెదర్లాండ్స్తో ఆడనుంది. వరల్డ్ కప్లో భాగంగా అక్టోబర్ 8న ఆస్ట్రేలియాతో భారత్ తొలిపోరులో తలపడనుంది. క్రికెట్ ఫ్యాన్స్ ఆసక్తిగా ఎదురుచూస్తున్న భారత్ - పాక్ మ్యాచ్ అక్టోబర్ 14న జరగనుంది. భారత జట్టులోకి అక్షర్ పటేల్ స్థానంలో అశ్విన్ వచ్చాడు. గాయంతో అక్షర్ దూరమవడంతో అశ్విన్కు చోటు లభించింది.

భారత జట్టు: రోహిత్ శర్మ (కెప్టెన్), శుభ్‌మన్‌ గిల్, విరాట్ కోహ్లీ, శ్రేయస్ అయ్యర్, కేఎల్ రాహుల్, సూర్యకుమార్‌ యాదవ్, ఇషాన్‌ కిషన్, హార్దిక్ పాండ్య, అశ్విన్, రవీంద్ర జడేజా, శార్దూల్ ఠాకూర్, కుల్‌దీప్‌ యాదవ్, బుమ్రా, షమీ, సిరాజ్‌