అనుకోని పరిస్థితుల్లో టీమిండియాకు టఫ్ ఫైట్

ఐసీసీ టీ20 ర్యాంకింగ్స్ లో టాప్ పొజిషన్ లో ఉన్న జట్టు, ఏడేళ్లుగా ఒక్క టీ20 సిరీస్ కూడా ఓడిపోని ఆటగాళ్లకు.. కష్టకాలం వచ్చింది. వరుసగా రెండు మ్యాచుల్లో ఓడిపోయి సిరీస్ చేజార్చుకునే పరిస్థితికి చేరుకుంది. దీంతో టీం భవిష్యత్తుపై ఆందోళన మొదలయింది. విమర్శకులకు పని పడింది. వెస్టిండీస్, భారత్ మధ్య జరుగుతున్న ఐదు మ్యాచ్ ల టీ20 సిరీస్ లో భారత్ వరుసగా రెండు మ్యాచుల్లో ఘోరంగా ఓడిపోయింది. ఒక్కరిద్దరు మినహా ఏ ఆటగాళ్లు పెద్దగా రాణించలేకపోయారు. సింపుల్ గా గెలవాల్సిన మ్యాచ్ లో కూడా టీమిండియా చేతులెత్తేసింది.

ఈ క్రమంలో ఇవాళ రాత్రి 8 గంటలకు జరగబోయే పోరు కీలకం కానుంది. సిరీస్ రేసులో నిలవాలంటే ఈ మ్యాచ్ లో టీమిండియా తప్పకుండా గెలవాలి. కాగా, హార్దిక్ సేన బోణీ కొట్టేందుకు సిద్దంగా ఉంది. ఓటముల నుంచి పాఠాలు నేర్చుకుని బరిలోకి దిగనుంది. మరోవైపు బలమైన టీమిండియాపై వరుసగా రెండు టీ20ల్లో గెలిచిన విండీస్ కు ఆత్మవిశ్వాసం పెరిగింది. ఇదే జోరులో మూడో టీ20లోనూ నెగ్గి సిరీస్ పట్టేయాలని చూస్తోంది.