రేపటి నుంచి భారత్-సౌతాఫ్రికా సిరీస్.. లైవ్ స్ట్రీమింగ్ ఎందులో చూడాలంటే..?
వన్డే వరల్డ్ కప్ ముగిసిన తర్వాత స్వదేశంలో జరిగిన ఐదు మ్యాచ్ ల టీ20 సిరీస్ లో టీమిండియా.. ఆస్ట్రేలియాను చిత్తు చేసింది. 4-1తో సిరీస్ ను కైవసం చేసుకుంది. ఇప్పుడు సౌతాఫ్రికా పర్యటనకు సిద్ధం అయింది. డిసెంబర్ 10నుంచి ప్రారంభం కానున్న ఈ టూర్ లో టీ20లు, వన్డేలు, టెస్ట్ మ్యాచ్ లు ఆడనున్నారు. ఈ సిరీస్ కు సంబంధించి ఇరు జట్లు జట్లను, షెడ్యూల్ ను ప్రకటించాయి. అయితే ఎందులో లైవ్ స్ట్రీమింగ్ జరుగుతుందనేది మాత్రం చాలామందిలో ఓ కన్ఫ్యూజన్ ఉండిపోయింది. దీనిపై ఐసీసీ క్లారిటీ ఇచ్చింది. స్టార్ స్పోర్ట్స్ నెట్ వర్క్ లో లైవ్ స్ట్రీమింగ్ జరగనుంది. డిస్నీ+ హాట్ స్టార్ లో ఆన్ లైన్ లో చూడొచ్చు. కాగా ఈ సిరీస్ కోసం కుర్రాళ్లంతా డిసెంబర్ 6నే సౌతాఫ్రికాలోని డర్బన్ చేరుకోగా.. పరిమిత ఓవర్ల క్రికెట్ నుంచి రెస్ట్ తీసుకున్న విరాట్ కోహ్లీ, రోహిత్ శర్మ టెస్ట్ సిరీస్ కు జట్టులో చేరనున్నారు. భారత కాలమానం ప్రకారం టీ20 మ్యాచులు రాత్రి 9:30 గంటలకు జరుగుతాయి. తొలి వన్డే మధ్యాహ్నం 1:30 గంటలకు, చివరి రెండు వన్డేలు సాయంత్రం 4:30 గంటలకు ప్రారంభమవుతాయి. ఇక టెస్ట్ మ్యాచ్ ల విషయానికి వస్తే.. తొలి టెస్ట్ మధ్యాహ్నం 1:30 గంటలకు, రెండో టెస్ట్ మధ్యాహ్నం 2:00 గంటలకు మొదలవుతాయి.
ఇండియా vs సౌతాఫ్రికా టీ20 సిరీస్
డిసెంబర్ 10: తొలి టీ20 (డర్బన్)
డిసెంబర్ 12: రెండో టీ20(గెబర్హా)
డిసెంబర్ 14: మూడో టీ20 (జోహన్‌బర్గ్‌)
ఇండియా vs సౌతాఫ్రికా వన్డే సిరీస్
డిసెంబర్ 17: మొదటి వన్డే (జోహన్‌బర్గ్‌)
డిసెంబర్ 19: రెండో వన్డే (గెబర్హా)
డిసెంబర్ 21: మూడో వన్డే (పర్ల్‌)
ఇండియా vs సౌతాఫ్రికా టెస్ట్ సిరీస్
డిసెంబర్ 26 - 30: తొలి టెస్టు (సెంచూరియన్‌)
జనవరి 3 - 7: రెండో టెస్టు (కేప్‌టౌన్‌)
The IND vs SA T20I series will be live telecast on Star Sports Network. The matches will be available to watch on Star Sports 1, Star Sports 3, and Star Gold 2 channels.
— Cricket World News (@9807660012Sonu) June 9, 2022
Fans can watch the online live streaming of the match on the Disney+ Hotstar app. However, viewers need a pic.twitter.com/9GJU3La4rQ
