Rohit Sharma : తోటి ప్లేయర్ను బూతులు తిట్టిన కెప్టెన్ రోహిత్ శర్మ (వీడియో)
ఆటగాళ్లు సరదాకైనా, ఒత్తిడిలో ఉన్నా.. అప్పుడు గ్రౌండ్ లో ఒకరినొకరు బూతులు తిట్టుకుంటుంటారు. ముఖ్యంగా టీమిండియా ప్లేయర్స్ లో ఇది కనిపిస్తుంది. అవి స్టంప్ మైక్ లో రికార్డై.. సోషల్ మీడియాలో వైరల్ అవుతుంటాయి. కొన్నిసార్లు వివాదాస్పదం అయితే.. మరికొన్నిసార్లు నవ్వుకునేలా చేస్తాయి. కాగా విశాఖలో ఇంగ్లాండ్ తో జరుగుతున్న రెండో టెస్ట్ మ్యాచ్ లో రోహిత్ శర్మ సహనం కోల్పోయాడు. తొలి ఇన్నింగ్స్ లో ఇంగ్లాండ్ బ్యాటింగ్ చేస్తుండగా.. ప్లేయర్లతో బూతులు మాట్లాడాడు. ఇవి కాస్త స్టంప్ మైక్ లో రికార్డ్ అవడంతో సోషల్ మీడియాలో వైరల్ అవుతుంది. 32 ఓవర్ ప్రారంభంలో టీమిండియా ఫీల్డింగ్ సెట్ చేస్తుండగా.. ఓ ప్లేయర్ రోహిత్ శర్మ మాట వినలేదు. దీంతో సహనం కోల్పోయిన రోహిత్.. నోరు పారేసుకున్నాడు.
తోటి ప్లేయర్ పై ఆగ్రహానికి గురై.. బండ బూతులు తిట్టాడు. బౌండరీ లైన్ వద్ద ఉన్న ఫీల్డర్ ను సూచనలు చేస్తుండగా.. అతను పట్టించుకోలేదు. దీంతో కోపంలో ఊగిపోయిన రోహిత్.. బూతులు తిడుతూ గట్టిగా అరిచాడు. కాగా ఈ వీడియో సోషల్ మీడియాలో వైరల్ కావడంతో.. దీనిపై రకరకాల స్పందనలు వస్తున్నాయి. కొందరు షేమ్ లెస్ కెప్టెన్. తోటివారితో ఎలా ఉండాలో తెలియదు. రెస్పెక్ట్ ఇవ్వడం రాదు. జూనియర్లను ఇలా బూతులు తిడతాడా అంటూ కొందరు కామెంట్ చేస్తుంటే. మరికొందరు రోహిత్ ను సమర్థిస్తున్నారు. ఆటలో అదంతా కామన్ అని, ఫ్రెండ్లీగా తిట్టుకుంటారని అంటున్నారు. కాగా రెండో రోజు ఆట ముగిసే సమయానికి భారత్ ఆధిక్యంలో ఉంది. ఇంగ్లాండ్ 253 పరుగులకు ఆలౌట్ కావడంతో.. 146 పరుగుల ఆధిక్యంలో ఉన్న భారత్ రెండో ఇన్నింగ్స్ ను మొదలుపెట్టింది. ప్రస్తుతం క్రీజులో రోహిత్ శర్మ (13), జైస్వాల్ (15) ఉన్నారు.
