తండ్రైన బుమ్రా.. కొడుకుకు ఏం పేరు పెట్టారంటే..?
టీమిండియా స్టార్ పేసర్ జస్ప్రీత్‌ బుమ్రా నాన్న అయ్యాడు. ఆయన భార్య సంజనా గణేశన్‌ మగబిడ్డకు జన్మనిచ్చారు. ఈ విషయాన్ని ఆయన ట్విట్టర్లో చెప్పారు. బాబు చెయి పట్టుకుని దిగిన ఫొటోను షేర్ చేశాడు. ప్రస్తుతం ఈ పోస్ట్ నెట్టింట వైరల్గా మారింది.
‘‘మా చిన్న కుటుంబం పెద్దగా అయ్యింది. మా హృదయాలు సంతోషంతో నిండిపోయాయి. ఈ రోజు ఉదయం లిటిల్ బాయ్ అంగద్‌ జస్ప్రీత్‌ బుమ్రాను ప్రపంచంలోకి ఆహ్వానించాం. ప్రస్తుతం మా సంతోషానికి అవధుల్లేవు. మా జీవితంలోని ఈ కొత్త అధ్యాయాన్ని ప్రతిక్షణం ఆస్వాదించేందుకు ఎదురుచూస్తున్నాం’’ అని బుమ్రా రాసుకొచ్చాడు. ఇక 2021లో బుమ్రా - సంజనా గణేశన్‌ వివాహం జరిగింది.
బుమ్రా దంపతులకు పలువురు సెలబ్రిటీలు స్పెషల్ విషెస్ చెబుతున్నారు. క్రికెటర్లు సూర్య కుమార్‌ యాదవ్‌, దినేశ్‌ కార్తిక్‌, రోహిత్‌ శర్మ సతీమణి రితికా, యువరాజ్‌ సతీమణి హజెల్‌ సహా పలువురు బుమ్రాకు శుభాకాంక్షలు తెలిపారు. ఈ సమయంలో తన భార్య పక్కన ఉండాలనే ఉద్ధేశ్యంతో బుమ్రా ఇండియాకు తిరిగొచ్చాడు. ఆసియాకప్లో భాగంగా ఇవాళ జరగనున్న భారత్ - నేపాల్ మ్యాచ్ కు అతడు అందుబాటులో అండడు.
Our little family has grown & our hearts are fuller than we could ever imagine! This morning we welcomed our little boy, Angad Jasprit Bumrah into the world. We are over the moon and can’t wait for everything this new chapter of our lives brings with it ❤️ - Jasprit and Sanjana pic.twitter.com/j3RFOSpB8Q
— Jasprit Bumrah (@Jaspritbumrah93) September 4, 2023
