world cup 2023: ధర్మశాలలోనూ కోహ్లీ జపం.. నవీన్ను వదలని ఫ్యాన్స్.. వీడియో
ఐపీఎల్ 2023.. బెంగళూరు vs లక్నో మ్యాచ్లో జరిగిన గొడవను విరాట్ కోహ్లీ మర్చిపోయినా.. అతని ఫ్యాన్స్ మాత్రం ఇంకా గుర్తుపెట్టుకున్నారు. టైం ఎప్పుడు వస్తుందా.. నవీన్ ఉల్ హక్ ను ఎప్పుడు ఏకిపారేద్దామా అని ఎదురుచూస్తున్నారు. భారత్- ఆఫ్ఘనిస్తాన్ మ్యాచ్ లో నవీన్ బౌలింగ్ లో విరాట్ కోహ్లీ బాదుతుంటే చూడాలని కలులు కన్నారు. లక్కీగా భారత్ లోనే వరల్డ్ కప్ జరగటం, ఆఫ్ఘనిస్తాన్ టీంలోకి నవీన్ ఉల్ హక్ ను తీసుకోవడంతో కోహ్లీ ఫ్యాన్స్ ఊపిరిపీల్చుకున్నారు. అయితే భారత్- ఆఫ్ఘనిస్తాన్ మ్యాచ్ వరకు ఆగని అభిమానులు ముందే టార్గెట్ చేయడం మొదలుపెట్టారు. బంగ్లాదేశ్- ఆఫ్ఘనిస్తాన్ మధ్య జరిగిన మ్యాచ్ లో నవీన్ కు కష్టాలు తప్పలేదు. సొంతమైదానం ఢిల్లీ, బెంగళూరు కాకపోయినా.. ధర్మశాలలో కూడా కోహ్లీ జపం చేశారు.
అభిమానులు ఐపీఎల్ 2023 కోహ్లీతో జరిగిన గొడవప్పటి నుంచి నవీన్ ను టార్గెట్ చేశారు. ఎక్కడికి వెళ్లినా వెంటపడి ట్రోల్ చేస్తున్నారు. తాజాగా ధర్మశాలలో జరిగిన మ్యాచ్ లో కూడా అదే రిపీట్ అయింది. నవీన్ బౌలింగ్ చేసినా, ఫీల్డింగ్ చేస్తూ బౌండరీ వైపు వచ్చినా, చివరికి బ్యాటింగ్ చేస్తున్నప్పుడు కూడా కోహ్లీ నినాదాలు చేశారు. నవీన్ పై రెచ్చిపోయి స్టేడియాన్ని హోరెత్తించారు. ఇప్పుడే ఈ రేంజ్ లో ఉంటే.. అక్టోబర్ 11న భారత్- ఆఫ్ఘనిస్తాన్ మధ్య జరిగే వరల్డ్ కప్ మ్యాచ్ లో కోహ్లీ ఫ్యాన్స్ ఇంకెంత రెచ్చిపోతారో చూడాలి. కాగా బంగ్లాతో జరిగిన మ్యాచ్ లో ఆఫ్ఘన్ ఓడిపోయింది. తొలుత బ్యాటింగ్ చేసి 156 పరుగులకే కుప్పకూలింది. ఈజీ టార్గెన్ బంగ్లా ఊదిపారేశారు.
Kohli Kohli Chants At Dharamsala While Naveen Ul Haq Was Fielding Near The Boundary Rope..#ODIWorldCup2023 #ICCWorldCup2023 #BANvsAFG pic.twitter.com/yCrsZ70yRF
— RVCJ Media (@RVCJ_FB) October 7, 2023
