NED vs SL: పసికూనతో కీలక పోరు.. ఈ మ్యాచ్ అయినా గెలుస్తారా..?
మూడు ఐసీసీ ట్రోఫీలు గెలిచిన జట్టు. హేమాహేమీ ఆటగాళ్లను క్రికెట్ కు పరిచయం చేసిన జట్టు. ఎన్నో రికార్డులను తన పేరిట రాసుకున్న శ్రీలంక జట్టు.. ఇప్పుడు వరల్డ్ కప్ లో బోణీ కోసం తంటాలు పడుతుంది. ఇప్పటి వరకు ఆడిన మూడు మ్యాచుల్లో ఓడిపోయి.. టేబుల్ చివరన నిలిచింది. ఈ క్రమంలో నెదర్లాండ్స్ తో లక్నో వేదికగా తలపడుతుందో. ఈ మ్యాచ్ లో ఎలాగైనా బోణీ కొట్టాలని చూస్తుంది. అయితే నెదర్లాండ్స్ జట్టును తక్కువ అంచనా వేయలేం. మొన్నటి మ్యాచ్ లో సౌతాఫ్రికాను చిత్తు చేసి అందరికీ షాక్ ఇచ్చింది.
ఇవాళ జరుగుతున్న మ్యాచ్ లో టాస్ గెలిచిన నెదర్లాండ్స్ బ్యాటింగ్ ఎంచుకుంది. కాగా 12 ఓవర్లో 3 వికెట్లు కోల్పోయి కష్టాల్లో పడింది. ఓపెనర్లు విక్రంజిత్ (4), మాక్స్ ఓడ్ (16) త్వరగా ఔట్ అయ్యారు. మూడో వికెట్ లో వచ్చిన కోలిన్ ఆకర్మన్ కొద్దిసేపు మెరిసినా 29 పరుగులు చేసి పెవిలియన్ చేరాడు. కసున్ రజిత 3 వికెట్లు తీసుకున్నాడు.
జట్లు:
శ్రీలంక (ప్లేయింగ్ XI): పాతుమ్ నిస్సాంక, కుసల్ పెరెరా, కుసల్ మెండిస్(w/c), సదీర సమరవిక్రమ, చరిత్ అసలంక, ధనంజయ డి సిల్వా, దుషన్ హేమంత, చమిక కరుణరత్నే, మహేశ్ తీక్షణ, కసున్ రజిత, దిల్షన్ మధుశంక
నెదర్లాండ్స్ (ప్లేయింగ్ XI): విక్రమ్‌జిత్ సింగ్, మాక్స్ ఓడౌడ్, కోలిన్ అకెర్‌మాన్, బాస్ డి లీడే, సైబ్రాండ్ ఎంగెల్‌బ్రెచ్ట్, తేజా నిడమనూరు, స్కాట్ ఎడ్వర్డ్స్(w/c), లోగాన్ వాన్ బీక్, రోలోఫ్ వాన్ డెర్ మెర్వే, ఆర్యన్ దట్టెన్, పాల్ వాన్ మీకెరెన్
