Rishabh Pant: మూడో టీ20కి ముందు.. టీమిండియా క్యాంపులో రిషబ్ పంత్
బెంగళూరు వేదికగా ఆఫ్ఘనిస్తాన్ తో మూడో టీ20 (చివరి) ఆడనుంది టీమిండియా. రెండు మ్యాచుల్లో గెలిచిన టీమిండియా సిరీస్ గెలవాలనే పట్టుదలతో ఉంది. సోమవారం బెంగళూరు చేరిన భారత జట్టు.. ప్రాక్టీస్ మొదలుపెట్టింది. ప్లేయర్లంతా ప్రాక్టీస్ చేస్తుండగా.. NCAలో (నేషనల్ క్రికెట్ అకాడమీ) శిక్షణలో ఉన్న రిషబ్ పంత్ అక్కడికి వచ్చాడు. బెంగళూరులోనే చివరి మ్యాచ్ జరగనుండగా.. భారత ఆటగాళ్లను కలిసేందుకు స్టేడియానికి వచ్చాడు. ముఖ్యంగా విరాట్ కోహ్లీ, రింకూ సింగ్, రోహిత్ శర్మలతో కలిసి మాట్లాడిన ఫొటోలు, వీడియోలు సోషల్ మీడియాలో వైరల్ అవుతున్నాయి.
2022 డిసెంబర్ 30న రోడ్డు ప్రమాదంలో పంత్ గాయపడ్డ విషయం తెలిసిందే. అతనికి శస్త్రచికిత్స నిర్వహించగా.. ఇప్పుడిప్పుడే కోలుకుంటున్నాడు. ప్ర‌స్తుతం ఎన్‌సీఏలో పున‌రావాసం పొందుతున్నాడు. ఐపీఎల్ 2024కల్లా పూర్తి ఫిట్ నెస్ సాధించేందుకు కృషి చేస్తున్నాడు. ఐపీఎల్ ఢిల్లీ క్యాపిటల్స్ జట్టులో పంత్ ఉన్న సంగతి తెలిసిందే.
