చెలరేగిన రోహిత్ శర్మ.. గాడినపడ్డ టీమిండియా
మొదటి రెండు టెస్టుల్లో దారుణంగా ఫెయిల్ అయ్యాడు. గత టెస్ట్ ఇన్నింగ్స్ లు చూసుకుంటే.. ఒక్క సెంచరీ కూడా లేదు. కెప్టెన్సీలోనూ రాణించట్లేదు. వరుస ఓటములు, బ్యాటింగ్ వైఫల్యం. సొంత గడ్డపైన కూడా తేలిపోతున్నాడు. గడిచిన 8 మ్యాచుల్లో చూసుకుంటే.. 80,57,5,0,39,16,24,39 పరుగులు మాత్రమే చేశాడు. వరల్డ్ టెస్టు చాంపియన్షిప్ కు పాయింట్స్ టేబుల్ లో భారత్ స్థానం పడిపోతుంది. కెప్టెన్ గా, బ్యాటర్ గా జట్టుకు భారం అవుతున్నాడు. టీం నుంచి తప్పుకుంటే బెటర్.. ఈ సిరీస్ లో రోహిత్ శర్మపై వచ్చిన విమర్శలివి. ఈ మ్యాచుతో వాటన్నింటికీ సమాధానం చెప్పాడు. తన అద్భుత సెంచరీతో విమర్శకుల నోళ్లు మూయించాడు. పడిపోతున్న టీమిండియాను నిలబెట్టాడు. రవీంత్ర జడేజాతో కలిసి ఇన్నింగ్స్ ను ముందుకు తీసుకెళ్తున్నాడు.
టాస్ గెలిచి బ్యాటింగ్ ఎంచుకున్న భారత్.. కేవలం 33 పరుగులకే 3 కీలక వికెట్లు కోల్పోయింది. రెండో టెస్టు హీరో.. యశస్వి జైస్వాల్‌ కు ఈ మ్యాచ్‌లో మంచి స్టార్ట్‌ లభించలేదు. కేవలం 10 పరుగులు మాత్రమే చేసి ఔట్‌ అయ్యాడు. వన్‌డౌన్‌లో క్రీజ్‌లోకి వచ్చిన శుభ్ మన్‌ గిల్‌ డకౌట్‌ అయ్యాడు. ఆ వెంటనే రజత్‌ పాటిదార్‌ కూడా వికెట్ పారేసుకోవడంతో టీమిండియా పీకల్లోతు కష్టాల్లో పడింది. ఈ టైంలో రోహిత్ శర్మ సమయోచిత ఇన్నింగ్స్ ఆడాడు. ఓపికగా క్రీజులో కుదుర్కొని (114, 181 బంతుల్లో, నాటౌట్), జడేజా (78 నాటౌట్) స్కోర్ ను ముందుకు తీసుకెళ్తున్నాడు. దీంతో టీమిండియా 214/3 పరుగులతో పటిష్టంగా మారుతుంది. ఇంగ్లాండ్ బౌలర్లలో మార్క్ వుడ్ 2, టామ్ హార్ ట్లే 1 వికెట్ పడగొట్టారు.
