India vs Australia: టీ20 అనుకున్నాడేమో.. ఆసీస్ బౌలర్లను ఉతికి ఆరేశాడు

భారత బ్యాటర్లు ఫామ్ లోకి వచ్చారు. ఇండోర్ లో జరుగుతున్న రెండో వన్డేలో ఆస్ట్రేలియా బౌలర్లకు చుక్కలు చూపించారు. టాప్ ఆర్డర్ శ్రేయస్ అయ్యర్ (105), శుభ్ మన్ గిల్ (104) సెంచరీలు చేశారు. ఆ తర్వాత వచ్చిన కెప్టెన్ కేఎల్ రాహుల్ (52) హాఫ్ సెంచరీతో చెలరేగాడు. చివర్లో సూర్య కుమార్ యాదవ్ (71 నాటౌట్) ఆసీస్ పై తన ప్రతాపం చూపించాడు. టీ20 అనుకున్నాడో ఏమో 6 సిక్సర్లు, 6 ఫోర్లతో స్టేడియాన్ని హోరెత్తించాడు. దాంతో భారత్ నిర్ణీత 50 ఓవర్లలో 5 వికెట్ల నష్టానికి 399 పరుగులు భారీ స్కోర్ చేసింది. కాగా ఇది సూర్యకు వన్డేల్లో రెండో సెంచరీ. ఆసీస్ బౌలర్లు ఇండోర్ గ్రౌండ్ లో తేలిపోయారు. భారత బ్యాటర్ల దాటికి చేతులెత్తేశారు. గ్రీన్ 2 వికెట్లు పడగొట్టినా 10 ఓవర్లు వేసి 103 పరుగులు ఇచ్చుకున్నాడు. హాజెల్ ఉడ్ 1, సిఆన్ అబాట్ 1, జాంపా 1 వికెట్ పడగొట్టారు.