రెండో టెస్ట్లో భారత్ దూకుడు..
ట్రినిడాడ్ వేదికగా వెస్టిండీస్తో జరుగుతున్న రెండో టెస్ట్లో భారత్ దూకుడు కొనసాగిస్తోంది. టాస్ ఓడి టీమిండియా బ్యాటింగ్కు రాగా..ఓపెనర్లు రోహిత్ శర్మ, జైశ్వాలు అదరగొడుతున్నారు. రెండోసారి అజేయంగా 100 పరుగుల భాగస్వామ్యాన్ని నెలకొల్పార. లంచ్ విరామానికి భారత్ 121/0 పరుగులు చేసింది. అర్థసెంచరీలు సాధించిన రోహిత్ (63), జైస్వాల్(52) క్రీజ్లో ఉన్నారు. మొదట్లో నిదానంగా ఇన్నింగ్స్ ఆరంభించిన రోహిత్-జైశ్వాల్ జోడి తర్వాత జోరు పెంచింది. వీలుచిక్కినప్పుడు భారీ షాట్స్ తో స్కోర్ బోర్డును పరుగులు పెట్టిస్తున్నారు. లంచ్ తర్వాత ఇదే జోరు కొనసాగితే భారత్ భారీ స్కోర్ చేయడం ఖాయం.
రెండు టెస్ట్ మ్యాచ్ల సిరీస్లో భాగంగా భారత్ మొదటి టెస్ట్లో విజయం సాధించింది. రెండో టెస్ట్లో కూడా విజయం సాధించి సిరీస్ కైవసం చేసుకోవాలని టీమిండియా భావిస్తోంది. రెండో టెస్ట్లో పేస్ బౌలర్ ముఖేష్ కుమార్ టీమిండియా తరఫున ఆరంగ్రేటం చేశాడు.
