స్వర్ణంపైనే నీరజ్ చోప్రా కన్ను..మరి లక్ష్యం సాధిస్తాడా?
ఒలింపిక్స్‌లో ఒక మెడల్ సాధిస్తే చాలనుకున్న సమయంలో.. ఏకంగా స్వర్ణ పతకాన్ని సాధించి అందరి దృష్టి తనపై పడేలా చేశాడు భారత స్టార్ జావెలిన్‌ త్రో ఆటగాడు నీరజ్ చోప్రా. స్వర్ణం సాధించినప్పటికి కూడా తన ఆటను అలాగే నిలకడ కొనసాగిస్తూ అత్యద్భుతమైన విజయాలతో నాన్ స్టాప్గా రికార్డులు బద్దలు కొడుతున్నాడు. తన కెరీర్లో ఉన్నత స్థాయిలో నిలబడుతూ ముందుకు వెళ్తున్నాడు. అయితే లేటెస్టుగా ఈ యోధుడి ఎదురుగా మరో పెద్ద టార్గెట్ నిలిచింది.అదే.. వరల్డ్ అథ్లెటిక్స్‌ ఛాంపియన్‌షిప్‌. ఈ పోటీల్లో గోల్డ్ మెడల్ సాధించడమే గురిగా కసరత్తు చేస్తున్నాడు చోప్రా.
వరల్డ్ అథ్లెటిక్స్‌ ఛాంపియన్‌షిప్‌ టోర్నమెంట్ నీరజ్ చోప్రాను ఊరిస్తోంది. గత ఏడాది ఈ ఈవెంట్లో సిల్వర్ కైవసం చేసుకున్న నీరజ్.. ఈసారి ఎలాగైనా స్వర్ణం సాధించాలన్న కసితో పట్టుదలతో ఉన్నాడు. అభిమానులు సైతం నీరజ్ గోల్డ్ మెడల్ సాధిస్తాడడి ఎంతో ఆశగా ఎదురుచూస్తున్నారు. మరి నీరజ్ తన ఫ్యాన్స్ నమ్మకాన్ని నిలబెడతాడా లేదా అనేది ఇప్పుడు ఇంట్రెస్టింగ్ టాపిక్గా మారింది. నిజానికి నీరజ్ ఎప్పుడూ..తనపై పెట్టుకున్న అంచనాలను మించి తన ప్రదర్శనతో ఆకట్టుకుంటుంటాడు. టోక్యో ఒలింపిక్స్‌లో ఎవ్వరూ ఊహించని విధంగా స్వర్ణం సాధించి తన ఆట తీరుతో ఆశ్చర్యపరిచాడు. ఆ తర్వాత డైమండ్‌ లీగ్‌లోనూ గోల్డ్ మెడల్ను ముద్దాడాడు ఈ యోధుడు. అందుకే ఈ సారి ఎలాగైనా ఈ టోర్నమెంట్లో గోల్డ్ మెడల్ను గెలవాలని కసరత్తు చేస్తున్నాడు. క్వాలిఫయింగ్‌ రౌండ్లో నీరజ్ పెర్ఫార్మెన్స్ చూశాక స్వర్ణం ఖాయమని భారత అభిమానులు అంచనా వేస్తున్నారు. కేవలం ఒకే త్రోతో 88.77 మీటర్ల దూరం బల్లెంను విసిరి ఒకేసారి ఫైనల్స్కు క్వాలిఫై అయ్యాడు. తన ఆటతో గ్రూప్‌లో మొదటిస్థానం అందుకోవడంతో పాటు పారిస్‌ ఒలింపిక్స్‌కు బెర్తును సాధించుకున్నాడు. ఇక ఇదే క్వాలిఫైయింగ్ రౌండ్ లో నీరజ్‌కు పోటీగా నిలుస్తారని భావించిన జులియన్‌ వెబర్‌ , వాద్లెచ్‌ లు కూడా నీరజ్ను ఢీ కొట్టలేకపోయారు. మరో ప్రధాన కాంపిటీటర్ అర్షద్‌ నదీమ్‌ మాత్రమే మెరుగైన ప్రదర్శనను అందించాడు. మరి ఇప్పుడు నీరజ్ వరల్డ్ అథ్లెటిక్స్‌ ఛాంపియన్షిప్లో ఎంతవరకు రాణిస్తాడో.. ప్రత్యర్థులు ఎలా ఢీ కొంటాడో, అభిమానులను నమ్మకాన్ని ఎంత వరకు నిలబెడతాడో...అన్నది ఫౌనల్ వరకు ఎదురుచూడాల్సిందే.
