WPL Mumbai vs Delhi : నేటి నుంచి డబ్ల్యూపీఎల్‌...ఓపెనింగ్ మ్యాచ్లో ముంబై వర్సెస్ ఢిల్లీ
మహిళల ప్రీమియర్‌ లీగ్‌ (డబ్ల్యూపీఎల్‌) క్రికెట్‌ టోర్నీ రెండో సీజన్‌కు సర్వం సిద్ధమైంది. గత ఏడాది తొలి సీజన్‌లో జరిగిన డబ్ల్యూపీఎల్‌ అభిమానులను ఆకట్టుకుంది. అంతేగాక పలువురు యువ క్రికెటర్లను వెలుగులోకి తెచ్చిన ఈ లీగ్‌ మరోసారి అదే స్థాయిలో జోరు చూపించేందుకు అవకాశం ఉంది. ఇవాళ చిన్నస్వామి స్టేడియంలో ప్రారంభ వేడుక అట్టహాసంగా జరగనుంది. తొలి పోరులో గత సీజన్‌ విజేత ముంబై ఇండియన్స్‌తో రన్నరప్‌ ఢిల్లీ క్యాపిటల్స్‌ తలపడనుంది. మొత్తం ఐదు జట్లలో మిగతా మూడు జటైన రాయల్‌ చాలెంజర్స్‌ బెంగళూరు, యూపీ వారియల్స్, గుజరాత్‌ జెయింట్స్‌ కూడా ఈసారి తమ అదృష్టాన్ని పరీక్షించుకునేందుకు సిద్ధమయ్యాయి. గత ఏడాదిలాగే ఈసారి కూడా టోర్నీలో మొత్తం 22 మ్యాచ్‌లు జరగనున్నాయి. తుది దశకు చేరుకున్న జట్లకు మార్చి 17న ఢిల్లీ వేదికగా ఫైనల్ మ్యాచ్ జరగనుంది. అయితే గత సీజన్‌లో ఒక్క ముంబైలోనే అన్ని మ్యాచ్ లు జరిగాయి. కాగా ఈసారి బెంగళూరు, ఢిల్లీలను వేదికలుగా తీసుకున్నారు. ఎప్పటిలానే పాయింట్ల పట్టికలో ఫస్ట్ లో నిలిచిన జట్టు నేరుగా ఫైనల్‌కు అర్హత సాధిస్తుంది. రెండు, మూడు స్థానాల్లో నిలిచిన జట్లు ‘ఎలిమినేటర్‌’ మ్యాచ్లో తలపడతాయి. ఫైనల్ లో గెలిచిన జట్టు ట్రోఫీని అందుకొనుంది.
ఐదు టీమ్‌లకు కెప్టెన్లు అంతర్జాతీయ క్రికెట్‌ నుంచి రిటైర్‌ అయిన మెగ్‌ లానింగ్‌ (ఢిల్లీ), అలీసా హీలీ (యూపీ), బెత్‌ మూనీ (గుజరాత్‌) ఆ్రస్టేలియన్లే కాగా...హర్మన్‌ప్రీత్‌ (ముంబై), స్మృతి మంధాన (బెంగళూరు) భారత స్టార్లు కెప్టెన్లు గా ఉన్నారు. భారత్‌ మినహా ఆసీస్‌ నుంచే ఎక్కువగా 13 మంది ప్లేయర్లు బరిలోకి దిగుతున్నారు.
