ఇకపై ఆండ్రాయిడ్ ఫోన్లలోనూ చాట్‌జీపీటీ యాప్
ChatGPT ఆండ్రాయిడ్ యాప్ సేవలు భారతదేశంలోనూ అందుబాటులోకి వచ్చాయి. ఇంతకుముందు, ఈ యాప్ కేవలం ఐఫోన్ వినియోగదారులకు మాత్రమే అందుబాటులో ఉండేది. కానీ ఇప్పుడు, అందరు Android వినియోగదారులు Google Play యాప్ స్టోర్ నుండి ChatGPTని ఉచితంగా డౌన్‌లోడ్ చేసుకోవచ్చు. మంగళవారం రాత్రి నుంచి ఈ సేవలు అందుబాటులోకి వచ్చాయి. భారత్ తో పాటు అమెరికా, బంగ్లాదేశ్ , బ్రెజిల్ దేశాల్లోనూ ఈ సర్వీసులు ప్రారంభమయ్యాయి. OpenAI తన ట్విటర్ అకౌంట్ ద్వారా ఈ విషయాన్ని వెల్లడించింది. మరో వారంలో ChatGPT సేవలు మరిన్ని దేశాల్లోనూ విస్తరించే ప్లాన్లో ఉంది. ఐఓఎస్‌ వినియోగదారులకు అందుబాటులోకి వచ్చిన రెండు నెలల తర్వాత చాట్‌జీపీటీ సేవలు ఆండ్రాయిడ్లో అందుబాటులోకి వచ్చాయి.
చాలా సులువుగా ChatGPT యాప్‌ను డౌన్‌లోడ్ చేసి ఉపయోగించుకోవచ్చు. గూగుల్ ప్లే స్టోర్ లో చాట్‌జీపీటీ యాప్‌ను డౌన్‌లోడ్ చేసుకోవచ్చు. అయితే, ChatGPT పేరుతో ఉన్న అనేక యాప్‌లు ఉన్నాయి. వినియోగదారులు పొరపాట్లు చేసే అవకాశం ఉంది. ఈ క్రమంలో యూజర్లు అధికారిక డెవలపర్ OpenAI ను ఆశ్రయించాల్సి ఉంటుంది.
ఒక్కసారి యాప్‌ను డౌన్‌లోడ్ చేసిన తర్వాత, రిజిస్టర్డ్ ఐడీతో లాగిన్ కావాలి. మీరు ChatGPTకి కొత్త అయితే, మీ ఆపిల్ లేదా గూగుల్ ఐడీతో సైన్ అప్ చేయవచ్చు.
ఈ యాప్లో వాయిస్‌ సెర్చింగ్‌ ఆప్షన్‌ కూడా ఉంది. ఏవైనా సలహాలు, సమాధానాల కోసం ఈ సదుపాయాన్ని ఉపయోగించుకోవచ్చు. అంతే కాదు చాట్ హిస్టరీ, డేటా ఎక్స్‌పోర్ట్ చేసే ఆప్షన్లను అందుబాటులో ఉంచింది. అయితే ఐఫోన్‌లో యూజర్లకు అందించే ప్లగిన్ వంటి ఫీచర్లు మాత్రం ఆండ్రాయిడ్ ఫోన్లలో ఇంకా తీసుకురాలేదు. వివిధ డొమైన్లను విస్తరించటం, కంటెంట్ను జనరేట్ చేయడం , కోడింగ్ అసిస్టెంట్, బుక్ సమ్మరీలను అందించటం ఇలా.. ఏ సమాధానాలైనా చాట్‌జీపీటీ అందిస్తోంది. ఈ AI చాట్‌బాట్‌కు మల్టీటాస్కింగ్‌ చేయగల కెపాసిటీ ఈ యాప్కి ఉండటంతో, నెటిజన్లు పెద్ద ఎత్తున ఇంట్రెస్ట్ చూపిస్తున్నారు.
