ప్రాణాలు కాపాడే AI అండర్ వాటర్ కెమెరా.. ధర ఎంతంటే..?

ఆర్టిఫిషియల్ ఇంటెలిజెన్స్.. ప్రపంచాన్ని శాసించే స్థాయికి ఎదుగుతోంది. ఇది మెల్లిగా అన్ని రంగాలకు పాకుతోంది. ఏఐతో నష్టాలు పక్కనబెడితే ఎన్నో అద్బుతాలు సృష్టిస్తున్నారు. కొత్తగా మనిషి ప్రాణాలు కాపాడే ఏఐ కెమెరా వచ్చింది. అమెరికన్ కంపెనీ తయారు చేసిన ఈ కెమెరా ఇటీవలె మార్కెట్లో రిలీజ్ అయ్యింది.

ఇది అండర్ వాటర్ సెక్యూరిటీ కెమెరా. ఆర్టిఫిషియల్‌ ఇంటెలిజెన్స్‌తో పనిచేసుంది. ఈత కొట్టేటప్పుడు ఎవరైనా ప్రమాదాలకు గురైతే ఈ కెమెరా వెంటనే గుర్తిస్తుంది. ఇందులోని డ్రౌనింగ్‌ డిటెక్షన్‌ సిస్టమ్‌ మునిగిపోతున్న వారిని ముందుగానే పసిగట్టి వారి కుటుంబీకులను అలర్ట్ చేస్తుంది. అమెరికను కంపెనీ అయిన కోరల్ దీనిని రూపొందించింది.

ఈ అండర్‌వాటర్‌ సెక్యూరిటీ కెమెరాను ‘మైలో’ పేరుతో కోరల్ ఇటీవల మార్కెట్‌లోకి విడుదల చేసింది. ప్రస్తుతం మార్కెట్లో దీని ధర రూ.1,23,781గా ఉంది.

ఈ కెమెరా ఇళ్లు, హోటల్స్‌లో ఉండే స్విమింగ్‌పూల్స్‌లో ఉపయోగించొచ్చు. ఈ కెమెరా నిరంతరం స్విమింగ్‌పూల్‌ను కనిపెడుతూనే ఉంటుంది. ఈతకొడుతూ ఎవరైనా మునిగిపోతున్నట్లు గుర్తిస్తే దీని యాప్‌ ద్వారా అనుసంధానమైన కుటుంబ సభ్యులు, సంబంధీకులను తక్షణమే అలర్ట్ చేస్తుంది.