వరల్డ్ స్మాలెస్ట్ స్మార్ట్‌ఫోన్..ఫీచర్లు చూస్తే ఫిదా అవ్వాల్సిందే..
మార్కెట్లో వందల కొద్దీ స్మార్ట్ ఫోన్లు అందుబాటులో ఉన్నప్పటికీ కొత్తగా ఏది వచ్చినా జనం ఎగబడి మరీ కొంటారు. అందుకే మేకర్స్ కూడా మొబైల్ యూజర్లను ఆకట్టుకునేందుకు సరికొత్త ఫీచర్లు, స్పెసిఫికేషన్లతో అదిరిపోయే డిజైన్లలో ఫోన్లను తయారు చేసి లాంచ్ చేస్తున్నారు. ఈ క్రమంలోనే తాజాగా మార్కెట్లో ప్రపంచంలోనే అతి చిన్న స్మార్ట్ ఫోన్ను విడుదల చేశారు. దీని ఫీచర్లు చూస్తే ఎవరైనా ఫిదా అవ్వాల్సిందే.
చైనాకు చెందిన స్మార్ట్‌ఫోన్ తయారీ సంస్థ యూనిహెర్ట్జ్ ప్రపంచంలోనే అతి చిన్న స్మార్ట్ ఫోన్ను తయారు చేసింది. ట్రాన్స్పరెంట్ డిజైన్స్తో జెల్లీ స్టార్ అనే 3 అంగుళాల ఆండ్రాయిడ్ ఫోన్ను తాజాగా లాంచ్ చేసింది. ఈ స్మార్ట్‌ఫోన్ వెనుక ప్యానెల్‌లో ట్రాన్స్పరెంట్ డిజైన్‌తో నథింగ్ ఫోన్ 1 వంటి ఎల్‌ఈడీ నోటిఫికేషన్ లైట్‌ను ఇచ్చింది సంస్థ. ఫోన్ ట్రాన్స్పరెంట్ కావడంతో లోపల ఉన్న భాగాలు, బ్యాక్‌ ప్యానెల్ నుంచి స్పష్టంగా కనిపిస్తాయి.
ఈ బుల్లి స్మార్ట్ ఫోన్ ధర రూ.17 వేలు. ప్రస్తుతం మార్కెట్లో యూజర్లకు అందుబాటులో లేదు. ఈ సంస్థ హాంకాంగ్లో మాత్రమే ఈ స్మాలెస్ట్ ఫోన్ను విడుదల చేసింది. అక్టోబర్ నుంచి వినియోగదారులకు అందుబాటులోకి రానుంది. 8జీబీ ర్యామ్‌ + 256 జీబీ స్టోరేజ్‌తో ఒకే వేరియంట్‌లో వచ్చిన ఈ మొబైల్ కస్టమర్లను కచ్చితంగా ఆకర్షిస్తుందని మేకర్స్ చెబుతున్నారు.
3 అంగుళాల ఈ స్మార్ట్ ఫోన్కు 480 x 854 పిక్సెల్ రిజల్యూషన్‌తో ఎల్‌ఈడీ డిస్‌ప్లేను అందించారు. MediaTek Helio G-99 ఆక్టాకోర్ ప్రాసెసర్ ఉంటుంది. Android 13 ఆపరేటింగ్ సిస్టమ్తో రూపొందించారు. 48 MP రియర్‌ కెమెరా, 8 MP ఫ్రంట్ కెమెరాతో 2000mAH బ్యాటరీ ఉంటుంది.
