Cow Scam : పశుసంవర్థక శాఖలో మరో స్కాం.. ఆవుల పంపిణీలో గోల్మాల్

గత ప్రభుత్వంలోని పశుసంవర్థక శాఖలో జరిగిన మరో స్కాం వెలుగులోకి వచ్చింది. గొర్రెల స్కాం తరహాలో ఆవుల పంపిణీ స్కాం జరిగినట్లు ఏసీబీ అధికారులు గుర్తించారు. ఏసీబీ డీజీకి పలువురు బాధితుల ఫిర్యాదు చేయడంతో.. దీనిపై దర్యాప్తు చేపట్టారు. కాగా ఈ దర్యాప్తులో గొర్రెల పంపిణీ స్కాం చేసిన ముఠానే ఆవుల పంపిణీ స్కాం చేసినట్లు ఏసీబీ అధికారులు గుర్తించారు. ఈ స్కాంలో భాగమైన నలుగురు ప్రభుత్వ ఉద్యోగులను నింధితులుగా చేర్చి అరెస్ట్ చేశారు. వీరు రైతులకు బదులు ఇతరుల ఖాతాల్లోకి నిధులు జమ అయ్యేలా చేశారు.

గొర్రెల పంపిణీలో స్కాం చేసినట్లే ఆవుల పంపిణీలో నిధులు దారిమళ్లించినట్లు గుర్తించారు. ఈ స్కాం ద్వారా దాదాపు రూ.3కోట్ల దోచుకున్నట్లు ఆరోపణలు వస్తున్నాయి. కాగా గొర్రెల స్కాంలో రూ.2.10 కోట్లు మోసం చేశారు ఈ నలుగురు నింధితులు. 2022, జనవరిలో ఈ పథకాన్ని ప్రారంభించగా.. ఒక్క యూనిట్ కు దాదాపు రూ.70వేల చొప్పున ప్రభుత్వం ధర నిర్ణయించింది. ఈ నిందితులు సుమారు 1200 యూనిట్ల ఆవులను రైతుల దగ్గర నుంచి కొనుగోలు చేసినట్లు తెలుస్తుంది.