చంద్రబాబు అరెస్ట్.. బండి సంజయ్ ఏమన్నారంటే..?

చంద్రబాబు అరెస్ట్ ఏపీలో పెద్ద దుమారం రేపుతోంది. పోలీసులు అరెస్ట్ చేసిన తీరును అటు టీడీపీ నేతలు సహా పలు విపక్ష నేతలు ఖండిస్తున్నారు. చంద్రబాబు అరెస్టును మమతా బెనర్జీ, అఖిలేష్ యాదవ్ సహా పలువురు నేతలు ఖండించారు. తాజాగా బండి సంజయ్ సైతం చంద్రబాబు అరెస్ట్పై స్పందించారు. ఏపీ ప్రభుత్వం చంద్రబాబును అరెస్ట్ చేసిన తీరు సరిగ్గా లేదన్నారు.

ఎఫ్‌ఐఆర్‌లో పేరు లేకుండానే సుదీర్ఘ కాలం సీఎంగా పనిచేసిన వ్యక్తిని అర్ధరాత్రి అరెస్టు చేయడం కరెక్ట్ కాదని బండి సంజయ్ అన్నారు. చంద్రబాబును అరెస్టు చేయడంతో టీడీపీ పట్ల ఏపీ ప్రజల్లో సానుభూతి పెరిగిందని చెప్పారు. చంద్రబాబు అవినీతికి పాల్పడినట్టు ఆధారాలుంటే చట్ట ప్రకారం చర్యలు తీసుకోవాలన్నారు. చట్టానికి ఎవరూ అతీతులు కాదని స్పష్టం చేశారు.