Bandlaguda Ganesh Laddu : బండ్లగూడ గణపతి లడ్డుకు కళ్లు చెదిరే ధర 1,26,00, 000

గణపతి లడ్డు వేలానికి బాలాపూర్ ప్రసిద్ధి. బాలాపూర్ గణపతితో ఇతర గణపతులు కూడా పోటీ పడి మించిపోతున్నారు. రాజేంద్రనగర్ బండ్లగూడలోని రిచ్‌మండ్ విల్లాల సొసైటీలో ఏర్పాటు చేసిన గణపతి లడ్డుకు రికార్డు ధర పలికింది. ఓ వ్యక్తి ఏకంగా రూ. 1.26 కోట్లకు స్వామి ప్రసాదాన్ని సొంతం చేసుకున్నారు. విల్లాల యజమానులందరూ కలసి లడ్డును కొన్నారు. హైదరాబాద్ గణపయ్య లడ్లకు ఇంత భారీ ధరల పలకడం ఇదే తొలిసారి. ఈ గణపయ్య లడ్డు గత ఏడాది రూ. 60.80 లక్షలు పలకగా ఈసారి రెట్టింపు ధర పలికింది. మరోపక్క బాలాపూర్ గణతి లడ్డు వేలం ఇంకా కొనసాగుతోంది. గత ఏడాది ఈ లడ్డు ధర రూ. 24 లక్షలు పలికింది. కాగా, గచ్చిబౌలి గణపతి లడ్డును చిరంజీవి గౌడ్ అనే వ్యక్తి రూ. 25.50 లక్షలకు కొన్నాడు. గతేడాదితో పోలిస్తే ఈసారి రూ. 7 లక్షల ఎక్కువ పలికింది.