కేపీహెచ్బీలో కారు బీభత్సం.. మాజీ మంత్రి మేనల్లుడు..

కూకట్పల్లి హౌసింగ్ బోర్డు ఫోరం మాల్‌ సర్కిల్ వద్ద ఓ కారు బీభత్సం సృష్టించింది. అతివేగంగా వచ్చిన ఓ కారు బైక్ను ఢీకొట్టింది. ఈ ప్రమాదంలో ఇద్దరికీ తీవ్ర గాయాలు. కారులో ఉన్న వ్యక్తి మాజీ మంత్రి ఇంద్రకరణ్ రెడ్డి మేనల్లుడు అగ్రజ్గా తెలుస్తోంది. మద్యం మత్తులో కారు నడిపడం వల్లే ఈ ప్రమాదం జరిగినట్లు సమాచారం. అగ్రజ్ తన ఫ్రెండ్స్తో కలిసి కేపీహెచ్బీ ఫోరం మాల్ వద్ద రాంగ్ రూట్లో కారును నడిపారు. ఈ క్రమంలో ఎదురుగా వస్తున్న బైక్ను ఢీకొట్టడంతో.. దానిపై ఉన్న ఇద్దరికీ తీవ్ర గాయాలయ్యాయి. వీరిలో ఒకరి పరిస్థితి విషమంగా ఉన్నట్టు తెలుస్తోంది. ఘటనపై కేసు నమోదు చేసుకున్న పోలీసులు.. సీసీ ఫుటేజీ ఆధారంగా దర్యాప్తు చేస్తున్నారు.