సింగరేణి ఎన్నికలు.. కవిత సంచలన ప్రకటన

సింగరేణి ఎన్నికలపై బీఆర్ఎస్ ఎమ్మెల్సీ కవిత కీలక ప్రకటన చేశారు. సింగరేణి ఎన్నికల్లో టీబీజీకేఎస్ పోటీ చేస్తుందని తెలిపారు. సింగరేణిని కేసీఆర్ కాపాడారని.. ఎన్నికల్లో ఆత్మసాక్షిగా ఓటు వేసి టీబీజీకేఎస్‌ను గెలిపించాలని కోరారు. కేసీఆర్ హయాంలో సంస్థ సహా కార్మికుల సంక్షేమం కోసం చేసిన పనులను గమనించి ఓటు వేయాలన్నారు. సింగరేణి ఎదుగుదల, కార్మికుల సంక్షేమానికి కేసీఆర్ ప్రభుత్వం ఎనలేని కృషి చేసిందని.. టీబీజీకేఎస్‌ను గెలిపిస్తేనే కార్మికులకు న్యాయం జరుగుతుందని అన్నారు.

బీఆర్ఎస్ ప్రభుత్వం హయాంలో దాదాపు 20 వేల డిపెండెండ్ ఉద్యోగాలు ఇచ్చి యువతకు ఉపాధి కల్పించారని కవిత చెప్పారు. డిపెండెంట్ ఉద్యోగం వద్దనుకుంటే ఆ కుటుంబానికి రూ.25 లక్షలు చెల్లించాలన్న ఉదార నిర్ణయాన్ని తీసుకున్న ఘనత కేసీఆర్కే దక్కుతుందన్నారు. కారుణ్య నియామకాల ద్వారా సింగరేణిలో మహిళలకు ఉద్యోగ అవకాశాలు కల్పించినట్లు తెలిపారు. తెలంగాణ ఏర్పడే నాటికి లాభాల్లో కార్మికుల వాటా కేవలం 18 శాతంగా ఉండేదని... దానిని కేసీఆర్ 32 శాతానికి పెంచారని చెప్పారు. వీటన్నింటిని దృష్టిలో పెట్టుకుని కార్మికులు ఓటెయ్యాలని సూచించారు.