మైలార్దేవ్పల్లిలో కారు బీభత్సం.. స్టూడెంట్ మృతి

రంగారెడ్డి జిల్లా మైలార్ దేవ్ పల్లిలో కారు బీభత్సం సృష్టించింది. అదుపుతప్పిన కారు డివైడర్ ను ఢీకొని పల్టీలు కొట్టింది. ఈ ఘటనలో కారులో ప్రయాణిస్తున్న ఓ స్టూడెంట్ స్పాట్ లోనే చనిపోగా.. మరో ఇద్దరికీ తీవ్ర గాయాలయ్యాయి.

దుర్గా నగర్ చౌరస్తాలో కారు డివైడర్‌ను ఢీకొట్టింది. ఆ వేగానికి కారు కారు పల్టీలు కొడుతూ రోడ్డుపై ఆగి ఉన్న మరో కారును ఢీకొట్టింది. అనంతరం రోడ్డుకు అడ్డంగా పడిపోయింది. ఈ ప్రమాదంలో కారులో ప్రయాణిస్తున్న డిగ్రీ విద్యార్థి చంద్రశేఖర్‌ చనిపోయాడు. మరో ఇద్దరు స్టూడెంట్స్కు తీవ్రగాయాలయ్యాయి. గాయపడిన వారిని వెంటనే ఆస్పత్రికి తరలించారు. వారిద్దరి పరిస్థితి విషమంగా ఉన్నట్టు తెలుస్తోంది. విద్యార్థులు మద్యం సేవించి కారు నడిపినడం వల్లే ప్రమాదం జరిగినట్లు సమాచారం.