లిక్కర్ స్కాంలో కవితకు మరోసారి సీబీఐ నోటీసులు

ఢిల్లీ లిక్కర్ స్కాం కేసులో బీఆర్ఎస్ ఎమ్మెల్సీ కవితకు సీబీఐ మరోసారి నోటీసులు జారీ చేసింది. ఈ నెల 26న విచారణకు రావాలని నోటీసులు ఇచ్చింది. ఈ కేసులో గతంలో కవితను సీబీఐ ప్రశ్నించింది. ఆమె నివాసంలోనే విచారించి.. స్టేట్మెంట్ రికార్డ్ చేసింది. ఈ కేసులో మాగుంట రాఘవ అప్రూవర్ గా మారాడు. ఆయన ఇచ్చిన సమాచారంతో సీబీఐ కవితకు నోటీసులు జారీ చేసినట్లు తెలుస్తోంది. అటు కవిత పీఏ సైతం అప్రూవర్గా మారినట్లు సమాచారం. సీబీఐ విచారణకు కవిత హాజరవుతారా..? లేదా అన్నది ఉత్కంఠగా మారింది.