Telangana Congress: గాంధీ భవన్లో నిరసనలు.. మల్లు రవి ప్రెస్ మీట్ అడ్డుకున్న మైనార్టీ నేతలు

అసెంబ్లీ బరిలో దిగే అభ్యర్థుల ప్రకటన కాంగ్రెస్లో మంటలురేపింది.. 55 మంది అభ్యర్థులతో కాంగ్రెస్ ఫస్ట్ లిస్ట్ ప్రకటించిన నేపథ్యంలో మైనార్టీ నేతలు ఆందోళనకు దిగారు. బహదుర్ పురా టికెట్ ఖలీమ్ బాబాకు, చంద్రాయణ గుట్ట స్థానాన్ని షకీల్ దయానీలకు కేటాయించకపోవడాన్ని నిరసిస్తూ వారి అనుచరులు గాంధీ భవన్ లో నిరసన చేపట్టారు. పాతబస్తీకి చెందిన టికెట్లు ఆ ప్రాంతంతో సంబంధం లేని వారికి ఇచ్చారని ఆరోపించారు. ఇందుకు నిరసనగా రేవంత్ రెడ్డి దిష్టిబొమ్మ దహనం చేశారు.

కాంగ్రెస్ హైకమాండ్ నిర్ణయాన్ని వ్యతిరేకిస్తూ మైనార్టీ నేతలు, కార్యకర్తలు పెద్ద ఎత్తున నినాదాలు చేశారు. ఈ క్రమంలోనే మల్లు రవి ఏర్పాటు చేసిన ప్రెస్‌మీట్ను వారు అడ్గుకున్నారు. దీంతో గత్యంతరం లేని పరిస్థితుల్లో మల్లు రవి గాంధీ భవన్ నుంచి వెళ్లిపోయారు. తమకు న్యాయం చేసే వరకు గాంధీ భవన్ వద్ద ఆందోళన కొనసాగిస్తామని మైనార్టీ నాయకులు తేల్చిచెప్పారు.