కోదండరాంకు ఎమ్మెల్సీ.. కేటీఆర్పై జగ్గారెడ్డి ఫైర్

కోదండరాంకు ఎమ్మెల్సీ ఇవ్వడంపై బీఆర్ఎస్ చేస్తున్న ఆరోపణల మీద కాంగ్రెస్ నేత జగ్గారెడ్డి ఫైర్ అయ్యారు. కోదండరాంను బీఆర్ఎస్ మోసం చేస్తే తాము గౌరవిస్తున్నామని తెలిపారు. తెలంగాణ ఉద్యమాన్ని కోదండరాం ముందుండి నడిపించారని.. కానీ కేసీఆర్ క్రెడిట్ మొత్తం కొట్టేశారని విమర్శించారు. ఉద్యమంలో కోదండరాం బీష్ముడిలాగా పనిచేశారని తెలిపారు. అటువంటి వ్యక్తిని విమర్శించే హక్కు కేటీఆర్ కు లేదని మండిపడ్డారు. కేటీఆర్ నోరు అదుపులో పెట్టుకోవాలని సూచించారు.

అధికారంలోకి వచ్చాక కోదండరాంకు కనీసం అపాయింట్మెంట్ కూడా ఇవ్వలేని ఆరోపించారు. కానీ తాము అధికారంలోకి రాగానే ఆయనకు ఎమ్మెల్సీ ఇచ్చి గౌరవించినట్లు చెప్పారు. కేసీఆర్ తొమ్మిదిన్నరేళ్లలో చేయనిది.. తాము ఒక్క నెలలోని చేశామని చెప్పారు. ధనిక రాష్ట్రాన్ని 6లక్షల కోట్ల అప్పుల్లోకి నెట్టారని విమర్శించారు. అన్నం తిన్న గిన్నెను నాకేసినట్లు రాష్ట్ర బడ్జెట్ను మొత్తం నాకేశారని ఆరోపించారు. తాము విలువలతో కూడిన రాజకీయాలు చేస్తున్నామని చెప్పారు. కేటీఆర్, హరీష్ రావుల మాటలకు కనీస హద్దులు లేవని మండిపడ్డారు.