Saindhav : బుల్లెట్ అలా ఎలా బయటికొస్తుంది..? సైంధవ్ గన్ షాట్పై డైరెక్టర్ క్లారిటీ

శైలేష్ కొలను డైరెక్షన్ లో విక్టరీ వెంకటేశ్ కథానాయకుడిగా తెరకెక్కుతున్న యాక్షన్ థ్రిల్లర్ సినిమా సైంధవ్. శ్రద్ధా శ్రీనాథ్‌ కథానాయిక. నవాజుద్దీన్‌ సిద్ధిఖీ, ఆర్య, రుహానీ శర్మ ఈ సినిమాలో కీలక పాత్రలు పోషించారు. ప్రస్తుతం సెన్సర్ ను పూర్తి చేసుకున్న ఈ సినిమా.. సంక్రాంతి కానుకగా జనవరి 13న ప్రేక్షకుల ముందుకు రానుంది. ఈ సందర్భంగా సైంధవ్ చిత్ర బృదం కొత్త ట్రైలర్ ను లాంచ్ చేసింది. యాక్షన్ థీమ్ లో ఉన్న ఈ ట్రైలర్ కు వెంకీ అభిమానులు ఫిదా అయిపోయారు. మరో సరికొత్త కథ, జానర్ తో వస్తున్నడని సంబరపడిపోతున్నారు. దీంతో అందరిలో సైంధవ్ పై భారీ అంచాలు పెరిగిపోయాయి. ఈ క్రమంలో ట్రైలర్ లోని ఓ క్లిప్ సోషల్ మీడియాలో వైరల్ అవుతోంది. ఆ షాట్ లో హీరో వెంకీ.. ఓ రౌడీ నోట్లో తుపాకి పెట్టి కాల్చుతాడు. దీనిపై సోషల్ మీడియాలో తెర చర్చ జరుగుతుంది.

తుపాకి నోట్లో పెట్టి కాల్చితే.. బులెట్ మల ద్వారంగుండా బయటికి ఎలా వస్తుందని.. నెటిజన్స్ శైలేష్ ను ట్యాగ్ చేసి ప్రశ్నిస్తున్నారు. దీనిపై స్పంధించిన డైరెక్టర్ శైలేష్.. ఆ గన్ షాట్ పై క్లారిటీ ఇచ్చాడు. ‘బుల్లెట్‌ జర్నీ ఇలా’ అంటూ ఓ వీడియో సోషల్ మీడియాలో వైరల్ అవుతుంది. దీనిపై రకరకాలుగా మీమ్స్ షేర్ చేస్తున్నారు. బుల్లెట్‌ జర్నీ ఇలా డైరెక్టర్ శైలేష్ కూడా క్లారిటీ ఇచ్చాడు. ‘సాధారణంగా నోట్లో తుపాకి పెట్టి కాల్చితే.. తల వెనకవైపు నుంచి బయటికి వస్తుంది. కానీ ఒక వ్యక్తిని నిర్దిష్ట దిశలో కూర్చోబెట్టి, గన్ బ్యారెల్ ను వీలైనంత నోటి లోపలికి పెట్టి కాల్చితే.. అవయవాలను చీల్చుకుంటూ బులెట్ బయటికి వస్తుంది. కానీ గన్ యాంగిల్ కచ్చితంగా 80 డిగ్రీలు ఉండాలి. వీడియోలో చూపించినట్లు సరిగ్గా అలానే జరుగుతుంది. ఇదో స్పెషల్ స్కిల్. అలా షూట్ చేయడానికి ఎంతో నేర్పు కావాలి. ఇది ఓ సైకో స్పెషల్ స్కిల్. థియేటర్స్ లో ప్రేక్షకులను అలరించేందుకు ఇలాంటి సీన్స్ క్రియేట్ చేశాం’ అంటూ సమాధానమిచ్చాడు. దీనిపై స్పందించిన నెటిజెన్స్.. మీ డెడికేషన్ కు టేక్ ఎ బౌ అంటూ కామెంట్స్ పెడుతున్నారు.