తెలంగాణలో ఉప ఎన్నికపై ఈసీ ప్రకటన
దేశంలో సార్వత్రిక ఎన్నికల్లోనే తెలంగాణలో ఖాళీగా ఉన్న సికింద్రాబాద్ కంటోన్మెంట్ అసెంబ్లీ స్థానానికి ఉప ఎన్నిక జరగనున్నట్లు కేంద్ర ఎన్నికల ప్రధాన కమిషనర్ రాజీవ్ కుమార్ తెలిపారు. కంటోన్మెంట్‌తో పాటు దేశంలో ఖాళీగా ఉన్న 26 అసెంబ్లీ స్థానాలకుఉప ఎన్నికలు జరుగనున్నాయి.తెలుగు రాష్ట్రాల్లో ఒకే రోజున లోక్సభ ఎన్నికలు నిర్వహించనున్నారు. నాలుగో విడతలో భాగంగా మే 13వ తేదీన ఏపీలోని 25, తెలంగాణలోని 17 ఎంపీ స్థానాలకు పోలింగ్‌ జరగనుంది. అదే రోజున ఏపీ అసెంబ్లీకి ఎన్నికలు నిర్వహించనున్నారు.
లోక్సభ ఎన్నిక‌ల‌తో పాటు 26 అసెంబ్లీ నియోజ‌క‌వ‌ర్గాల‌కు ఉప ఎన్నికలు నిర్వ‌హించ‌నున్న‌ట్లు కేంద్ర ఎన్నికల సంఘం ప్ర‌క‌టించింది. బీహార్‌లో అజియాన్(ఎస్సీ) నియోజ‌క‌వ‌ర్గానికి, గుజ‌రాత్‌లో విజపూర్, కాంభ‌త్, వ‌ఘోడియా, మ‌న‌వ‌ద‌ర్, పోర్‌బంద‌ర్, హ‌ర్యానాలో క‌ర్నాల్, జార్ఖండ్‌లో గాండేయ్, మ‌హారాష్ట్ర‌లో అలోక్ వెస్ట్, త్రిపుర‌లో రామ్‌న‌గ‌ర్‌, ఉత్త‌ర‌ప్ర‌దేశ్‌లో ద‌ద్రౌల్, ల‌క్నో ఈస్ట్, గెయిన్‌స‌రి, దుద్ది, ప‌శ్చిమ బెంగాల్‌లో భ‌గ‌వాన్‌గోలా, బారాన‌గ‌ర్, తెలంగాణలో సికింద్రాబాద్ కంటోన్మెంట్, హిమాచ‌ల్‌ప్ర‌దేశ్‌లో ధ‌ర్మ‌శాల, లాహౌల్, సుజ‌న్‌పూర్, బ‌ర్‌స‌ర్, గాగ్రెట్, ఖుతేల్‌హ‌ర్, రాజ‌స్థాన్‌లో బ‌గిడోరా, క‌ర్ణాట‌క‌లో సోర‌పూర్, త‌మిళ‌నాడులో విల‌వ‌న్‌కోడే నియోజ‌క‌వ‌ర్గాల‌కు ఉప ఎన్నికలు జ‌ర‌గ‌నున్నాయి.తొలి విడత ఏప్రిల్‌ 19న లోక్సభ ఎన్నికల పోలింగ్‌ జరుగనున్నది. ఏప్రిల్‌ 26న రెండో విడత, మే 7న మూడో విడత, మే 13న నాలుగో విడుత పోలింగ్‌, 20న ఐదో విడత, 25న ఆరో విడత, జూన్‌ ఒకటిన ఏడో విడత పోలింగ్‌ జరుగుతుందని సీఈసీ తెలిపారు
