మాజీ ఎమ్మెల్యే కొత్తకోట దయాకర్ రెడ్డి కన్నుమూత

మక్తల్‌ మాజీ ఎమ్మెల్యే కొత్తకోట దయాకర్‌ రెడ్డి కన్నుమూశారు. కొంతకాలంగా అనారోగ్య సమస్యలతో బాధపడుతున్న ఆయన హైదరాబాద్‌లోని ఏఐజీ ఆస్పత్రిలో చికిత్స పొందుతూ తుదిశ్వాస విడిచారు. మహబూబ్‌నగర్‌ జిల్లా చిన్న చింతకుంట మండలంలోని పర్కాపురం కొత్తకోట దయాకర్‌రెడ్డి స్వస్థలం. ఉమ్మడి ఆంధ్రప్రదేశ్‌లో టీడీపీ నుంచి దయాకర్‌రెడ్డి మూడుసార్లు ఎమ్మెల్యేగా గెలిచారు. రెండుసార్లు అమరచింత, ఒకసారి మక్తల్‌ నుంచి ఆయన విజయం సాధించారు. టీడీపీ జాతీయ ప్రధాన కార్యదర్శిగా కూడా పనిచేశారు.