ప్రజాశాంతి పార్టీ నుంచి గద్దర్‌ బహిష్కరణ

తెలంగాణలో ప్రజా గాయకుడు గద్దర్‌ కొత్త పార్టీ ప్రకటించిన నేపథ్యంలో అతడిని ప్రజాశాంతి పార్టీ బహిష్కరించింది. గద్దర్‌ను పార్టీ నుంచి బహిష్కరిస్తున్నట్లు అధికార ప్రకటన చేసింది. మునుగోడు ఉపఎన్నికల సమయంలో గద్దర్ ప్రజాశాంతి పార్టీలో చేరారు. ఆ పార్టీ అధ్యక్షుడు కేఏపాల్.. గద్దర్ మెడలో కండువా వేసి పార్టీలోకి ఆహ్వానించారు. మునుగోడు ఉపఎన్నికల బరిలో ప్రజాశాంతి పార్టీ తరఫున గద్దర్ నామినేషన్ వేస్తారని కూడా ప్రకటించారు. కానీ అది జరగలేదు. తర్వాత కూడా ఎక్కడా పార్టీ కార్యక్రమాల్లో కనిపించలేదు. ఈ క్రమంలో తాజాగా కొత్త పార్టీని గద్దర్ ప్రకటించాడు. గద్దర్‌ ప్రజా పార్టీ’ పేరును గద్దర్‌ అనౌన్స్‌ చేశారు. ఈ నేపథ్యంలో అతడిని ప్రజాశాంతి పార్టీ నుంచి సస్పెండ్ చేశారు.