ట్విటర్ ట్రెండింగ్ టాప్‌లో హరీశ్ రావు
తెలంగాణ మంత్రి హరీశ్ రావుకు అంతకంతకు మద్దతు పెరుగుతోంది. మల్కాజ్గిరి ఎమ్మెల్యే మైనంపల్లి హనుమంత రావు ఆయనపై చేసిన వ్యాఖ్యలు బూమరాంగ్గా మారాయి. మైనంపల్లికి వ్యతిరేకంగా, హరీశ్కు మద్దతుగా బీఆర్ఎస్ శ్రేణులు, పార్టీలతో సంబంధం లేని అభిమానులు సోషల్ మీడియాను హోరెత్తిస్తున్నారు. సిద్దిపేట నేతకు అనుకూలంగా పోస్టుల వరద పారిస్తున్నారు. దీంతో ట్విటర్ ‘వి ఆర్ విత్ హరీశ్ అన్నా’ #WeAreWithHarishAnna హ్యాష్ట్యాగ్ ట్రెండింగ్ టాప్లోకి వచ్చింది. మైనంపల్లిని కఠినంగా శిక్షించాలంటూ ట్వీట్లు, రీట్వీట్లు వెల్లువెత్తుతున్నాయి. మచ్చలేని లేని నాయకుడైన హరీశ్ రావుతో పెట్టుకుంటే ఖబడ్దార్ అని హెచ్చరిస్తున్నారు. సోషల్ మీడియాలోనే కాకుండా రాష్ట్రవ్యాప్తంగా మైనంపల్లి దిష్టిబొమ్మలను దగ్ధం చేస్తున్నారు. తనతోపాటు తన కొడుకు రోహిత్కు కూడా ఎమ్మెల్యే టికెట్లు ఇవ్వాలని మైనంపల్లి వివాదాస్పద వ్యాఖ్యలు చేశారు. తనకు హరీశ్ రావు అడ్డుపడుతున్నారని, ఆయన అంతు చూస్తానని అన్నారు. మైనంపల్లికి మళ్లీ టికెట్ ఇచ్చిన బీఆర్ఎస్ ఆయన కొడుక్కు మాత్రం నిరాకరించింది.
