సింగరేణి ఎన్నికల్లో తొలి ఫలితం వెల్లడి

సింగరేణి గుర్తింపు కార్మిక సంఘం ఎన్నికల కౌంటింగ్ కొనసాగుతోంది. ఇందులో భాగంగా తొలి ఫలితం వెల్లడైంది. ఇల్లందు ఏరియాలో కాంగ్రెస్ అనుబంధ సంఘం ఐఎన్​టీయూసీ విజయం సాధించింది. సీపీఐ అనుబంధ సంఘం ఏఐటీయూసీపై 46 ఓట్ల తేడాతో ఐఎన్​టీయూసీ గెలిపొందింది. మొత్తం 11 కేంద్రాల్లో ఓట్ల లెక్కింపు కొనసాగుతోంది. అర్ధరాత్రి సమయంలో తుది ఫలితాలు వెలువడే అవకాశం ఉంది. చివరన శ్రీరాంపూర్ ఏరియా ఫలితాలు వెలువడనున్నాయి. ఈ ఎన్నికల్లో 13 కార్మిక సంఘాలు బరిలో నిలవగా.. ఏఐటీయూసీ, ఐఎన్​టీయూసీ మధ్యే ప్రధాన పోటీ నెలకొంది. ఈ క్రమంలో పోలీసులు పటిష్ఠ బందోబస్తు ఏర్పాటు చేశారు. కాగా అంతకుముందు సింగరేణి ఎన్నికల పోలింగ్ ప్రశాంతంగా ముగిసింది. ఉదయం 7 గంటలకు మొదలైన పోలింగ్ 5గంటల వరకు కొనసాగింది. బ్యాలెట్ పద్ధతిలో జరిగిన ఈ ఎన్నికల్లో 94 శాతం పోలింగ్ నమోదైంది.