బీసీల తెలంగాణ రావాలి.. పవన్ కల్యాణ్

తెలంగాణ రాష్ట్రం సిద్ధించినా నీళ్లు, నిధులు, నియామాకాల ఆకాంక్షలు నెరవేరలేదని జనసేన పార్టీ అధినేత పవన్ కల్యాణ్ ధ్వజమెత్తారు. తాను బీసీలకు మద్దతిస్తున్నాని, బీసీల తెలంగాణ రావాలని అన్నారు. ప్రధాని మోదీకి అధికార దాహం లేదని, ఆ నిర్ణయాలు దేశానికి మేలు చేసేవనే అని చెప్పారు. మంగళవారం హైదరాబాద్ ఎల్బీ స్టేడియంలో జరిగిన బీజేపీ బీసీ ఆత్మగౌరవలో సభలో పవన్ పాల్గొని ప్రసంగించారు.

దేశ ప్రయోజనాల కోసం పాటుబడుతున్నందుకే మోదీకి తను మద్దతిస్తున్నానని, ఎన్నికల్లో లబ్ధి పొందడానికి కాదని అన్నారు. ‘‘నాలాంటి కోట్ల మంది కలలకు ప్రరూపం మోదీ. ఆయన ప్రతి భారతీయుడి గుండెల్లో ధైర్యం నింపారు. ఎన్నికల్లో గెలుపే ఆయన లక్ష్యమైతే ఆర్టికల్‌ 370, నోట్ల రద్దు చేసేవారు కాదు. రామమందిరం కట్టించేవారు కాదు. దేశాన్ని ప్రపంచంలో అగ్రస్థానంలో నిలబెట్టే శక్తిసామర్థ్యాలు ఆయనకు మాత్రమే ఉన్నాయి’’ అని అన్నారు. మోదీ నాయత్వంలో బీసీల తెలంగాణ రావాలని అన్నారు. బీసీలను ముఖ్యమంత్రి చేస్తామని ప్రకటించడానికి ఎంతో ధైర్యం ఉండాలని, బీజేపీ ఆ ధైర్యంతోనే బీసీ సీఎం ప్రకటన చేసిందని ప్రశంసించారు. మూడోసారి మోదీ ప్రధాని అవుతారని, ‘‘ఔర్ ఏక్ బార్ మోడీ’’ అని నినాదాలు చేశారు.