Khairatabad Ganesh: మొదలైన ఖైరతాబాద్ గణేష్ శోభాయాత్ర
హైదరాబాద్ లో నేడు గణేష్ ఉత్సవాల శోభ మొదలయింది. ఆధ్యాత్మికత ఒకవైపు, వాహ్.. అనిపించే సంబరాలు మరోవైపు. నగరమంతా నిమజ్జన వేడుక జరుపుకుటుంది. వస్తా వెళ్లొస్తానంటూ (Khairatabad Ganesh) ఖైరతాబాద్ మహాగణపతి నిమజ్జనానికి బయలెళ్లినాడు. దేశంలో ప్రత్యేకమైన ఈ వినాయకుడిని చివరిసారి దర్శించుకునేందుకు దేశ నలుమూలల నుంచి వేలాది మంది భక్తులు తరలి వచ్చారు. దీంతో సాగర తీరం సందడిగా మారింది. ఖైరతాబాద్ మహాగణపతి శోభాయాత్ర.. వైభవంగా మొదలయింది. ఉదయం 6 గంటలకు ప్రారంభమైన శోభాయాత్ర..ట్యాంక్ బండ్ వైపు సాగుతుంది. నగరం నలుమూలల నుంచి భక్తులు భారీగా తరలి వస్తున్నారు. జయ, జయ ధ్వానాల మధ్య.. బొజ్జ గణపయ్య యాత్ర జరుగుతోంది. మధ్యాహ్నం 12 నుంచి 2 గంటల మధ్యలో హుస్సేన్సాగర్లో మహాగణపతి నిమజ్జనం పూర్తికానుంది. గణపతి బప్పా మోరియా.. అంటూ భక్తులు నినాదాలు చేస్తూ గణనాథునికి వీడ్కోలు పలుకుతున్నారు. వేడుకల కోసం పోలీసులు పటిష్ట బందోబస్తు ఏర్పాటుచేశారు. అదనపు బలగాలను రప్పించి భద్రత కల్పిస్తున్నారు.
