Kumari Aunty : బిగ్‌బాస్ ఉత్స‌వం షోకు స్పెషల్ గెస్ట్‌గా కుమారి ఆంటీ
ప్రస్తుతం సోషల్ మీడియాలో తెగ పాపులర్ అవుతున్న డైలాగ్ మీది మొత్తం థౌజండ్ అయింది రెండు లివర్లు ఎక్స్ ట్రా'.. ఈ డైలాగ్ చెప్పగానే అర్థమైపోయింటుంది. ఆమె కుమారి అంటీ. గత కొన్నాళ్ల నుంచి హైదరాబాద్‌లోని మాదాపూర్‌లో నాన్ వెజ్ మీల్స్ ఫుడ్ స్టాల్‌ నడుపుకునే ఈ ఆంటీ ఒకే ఒక్క డైలాగ్ తో ఫేమస్ అయిపోయారు. వచ్చిన కస్టమర్స్ ను నాన్నా, బుజ్జి, కన్నా అంటూ ఆప్యాయతగా పలకరిస్తూ ఆకట్టుకుంటున్నారు. దీంతో ఈమె ఫుడ్ కోర్టు దగ్గరకు జనాలు ఎగబడ్డారు. ఈ క్రమంలోనే ట్రాఫిక్ జామ్ అవుతుందని చెప్పి ట్రాఫిక్ పోలీసులు షాప్ మూసివేయడం.. ఈ గొడవపై ఏకంగా తెలంగాణ సీఎం రేవంత్‌రెడ్డి స్పందించడం. ఇప్పుడు యధావిధిగా మళ్లీ ఈమె బిజినెస్ రన్ అవుతుండటం.. ఇలా గత కొన్నాళ్ల నుంచి కుమారి ఆంటీ వార్తల్లో నిలుస్తోంది.
అంతేకాదు ముఖ్యమంత్రి ఆమె ఫుడ్ కోర్ట్‌ ను విజిట్ చేస్తా అని చెప్పడంతో మరింత ఫేమస్ అయిపొయింది. రీసెంట్గా కుమారి ఆంటీ ఓ టీవీ షోకు స్పెషల్ గెస్ట్‌గా అటెండ్ అయ్యారు. బిగ్‌బాస్ సీజ‌న్ 7 కంటెస్టెంట్స్ అందరూ రీ యూనియ‌న్ తో పేరుతో ‘బిగ్‌బాస్ ఉత్స‌వం’(Bigg Boss Utsavam) స్పెషల్ ఈవెంట్‌ను స్టార్ మా ప్లాన్ చేసింది. బిగ్‌బాస్ ఉత్స‌వం షోకి ఫేమస్ యాంకర్ శ్రీముఖి హోస్ట్‌గా వ్య‌వ‌హ‌రించారు. ఈ షోకు కుమారి ఆంటీ స్పెషల్ గెస్ట్‌గా వచ్చి అందరిని తన మాటలతో ఎంటర్ టైన్ మెంట్ చేశారు. అలాగే బిగ్‌బాస్ కంటెస్టెంట్స్‌కు కూడా తనదైన వంటకాలతో రుచి చూపించారు. కుమారి ఆంటీ చేసిన నాన్ వెజ్ భోజనంకు బిగ్ బాస్ కంటెస్టెంట్స్ అందరూ ఫిదా అయ్యారని తెలుస్తోంది. బిగ్‌బాస్ సీజ‌న్ 7 కంటెస్టెంట్స్‌తో కలిసి కుమారీ ఆంటీ ఎంతో సరదాగా గడిపారు. ప్రస్తుతం ఇందుకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి. 'బిగ్‌బాస్ 7' కంటెస్టెంట్స్ అందరూ కలిసి తాజాగా ఓ షోలో పాల్గొన్నారు. ఇందులో కుమారి ఆంటీ కూడా పాల్గొంది. స్టేజీపైనే అందరికీ తన స్టైల్ ఫుడ్ తినిపించింది. ప్రస్తుతం ఇందుకు సంబంధించిన వీడియో ఒకటి వైరల్ అవుతోంది. ఈమెతో ఓ స్కిట్ కూడా చేయించారని టాక్.
